ஜப்பானின் மக்கள் தொகை வரலாறு காணாத அளவில் வீழ்ச்சி!

ஜப்பானின் மக்கள்தொகை கடந்த 05 ஆண்டுகளில் வரலாறு காணாத அளவில் வீழ்ச்சியடைந்துள்ளதாக தேசிய புள்ளிவிபரங்கள் சுட்டிக்காட்டியுள்ளன.

சுமார்  2.5 சதவீதம் வீழ்ச்சியடைந்துள்ளதாக தேசிய புள்ளிவிபரவியல் அலுவலகம் வெளியிட்ட தகவலில் தெரிவிக்கப்பட்டுள்ளது.

இந்த நெருக்கடியைச் சமாளிக்க அரசாங்கம் தொடர்ச்சியான நடவடிக்கைகளைச் செயல்படுத்திய போதிலும்,  மக்கள் தொகை வீழச்சியடைந்துள்ளதாக சுட்டிக்காட்டப்பட்டுள்ளது.

ஜப்பானின் மக்கள் தொகை கணக்கெடுப்பு 05 ஆண்டுகளுக்கு ஒருமுறை வெளியிடப்படுகிறது. இதன்படி, 2020 இல் இருந்த மக்கள் தொகையை விட 2025-ல் 123 மில்லியனாகக் குறைந்துள்ளது.

இது தொடர்பில் கருத்து வெளியிட்டுள்ள தலைமை அமைச்சரவைச் செயலாளர் மினோரு கிஹாரா ( Minoru Kihara), குறைந்து வரும் மக்கள்தொகையின் சவால்களை எதிர்கொள்ளும் முயற்சியில், “பல்வேறு நடவடிக்கைகளை விரிவாக ஊக்குவிப்பதாக” குறிப்பிட்டுள்ளார்.