உக்ரைன் போரில் தலிபான்கள் களமிறக்கப்படுவார்களா? ரஷ்யாவின் புதிய வியூகம்!

தலிபான்களுடன் இராணுவ ஒத்துழைப்பை அதிகரிக்கும் நோக்கில் ரஷ்யா ஒப்பந்தம் ஒன்றை கையெழுத்திட்டுள்ளது..

இதன்மூலம் தலிபானுடனான உறவுகளை ஆழப்படுத்துவதோடு, ஆப்கானிஸ்தானில் உள்ள அதன் ஆட்சியை அங்கீகரித்த உலகின் ஒரே நாடு என்ற தனது தனித்துவமான அந்தஸ்தையும் நிலைநிறுத்தியுள்ளது.

சர்வதேச பாதுகாப்பு மன்றம்” என்றழைக்கப்பட்ட நிகழ்வொன்றில் இந்த ஒப்பந்தம் கைச்சாத்திடப்பட்டுள்ளது.

2025-ல் தலிபான் குழுவை அதிகாரப்பூர்வ அரசாங்கமாக ரஷ்யா அங்கீகரித்ததை தொடர்ந்து இரு நாடுகளுக்கும் இடையிலான உறவுகள் வலுப்பெற்று வருகின்றன.

ரஷ்யாவோ அல்லது ஆப்கானிஸ்தான் தரப்போ இராணுவ தொழில்நுட்ப ஒப்பந்தத்தின் விவரங்களைப் பகிர்ந்து கொள்ளவில்லை.

இருப்பினும்  உக்ரைனுக்கு எதிரான ரஷ்யாவின் போர் முயற்சியில் சேர தலிபான்கள் தங்கள் அனுபவம் வாய்ந்த போராளிகளை வழங்கத் தொடங்கக்கூடும் என்ற கவலை எழுந்துள்ளது.