ஸ்கேன் அறிக்கை பணிக்கு தனியார் நிறுவனங்களை NHS அதிகம் நம்பும் நிலை – செலவு வேகமாக உயர்வு

வைத்தியசாலைகளில் நோயறிதல் ஸ்கேன்களின் பகுப்பாய்வுக்காக தேசிய சுகாதார சேவை தனியார் நிறுவனங்களுக்கு செலுத்தும் தொகை அதிகரித்து வருவதாக ஆய்வொன்றில் தெரியவந்துள்ளது.

CT மற்றும் MRI ஸ்கேன்களை மருத்துவ ரீதியாக ஆய்வு செய்து அறிக்கை வழங்கும் பணியை வெளி நிறுவனங்களுக்கு ஒப்படைப்பதால் செலவுகள் “கட்டுப்பாட்டை மீறி அதிகரித்து வருகிறது” என நிபுணர்கள் எச்சரிக்கின்றனர்.

இதனால் பல மருத்துவமனைகள் வெளிப்பணி சேவைகளை அதிகம் நம்ப வேண்டிய நிலைக்கு தள்ளப்பட்டுள்ளன.

கடந்த ஆண்டு மட்டும் இத்தகைய சேவைகளுக்கு சுமார் 241 மில்லியன் பவுண்ட் செலவிடப்பட்டுள்ளது.

இது 2021 இல் இருந்த தொகையை விட இரட்டிப்பு அளவும், 2018-இல் இருந்ததை விட மூன்று மடங்குக்கும் அதிகமாகும்.

இந்த செலவுகள் வேகமாக அதிகரித்து வருவது கவலையளிக்கிறது என்றும், சில நேரங்களில் தனியார் அறிக்கைகளின் தரம் குறைவாக இருப்பதால் NHS மருத்துவர்கள் மீண்டும் ஸ்கேன்களை பரிசோதிக்க வேண்டிய நிலை உருவாகிறது என்றும் ரோயல் காலேஜ் ஆஃப் ரேடியாலஜிஸ்ட்ஸ் அமைப்பு தெரிவித்துள்ளது.

நிபுணர்கள், இது தற்காலிக தீர்வாக மட்டுமே இருக்கும் என்றும், நீண்டகாலத்தில் அதிக மருத்துவர்களை பயிற்சி அளித்து உள்ளக திறனை வளர்ப்பதே சரியான வழி என்றும் வலியுறுத்துகின்றனர்.