சீனா – ரஷ்யா உறவில் முன்னேற்றம் : புட்டின் நெகிழ்ச்சி!
தேசிய ஒற்றுமை மற்றும் இறையாண்மை, பாதுகாப்பு உள்ளிட்ட பல்வேறு விடயங்களில் ரஷ்யாவும் சீனாவும் ஒன்றுக்கொன்று ஆதரவளிக்கத் தயாராக உள்ளதாக ரஷ்ய ஜனாதிபதி விளாடிமிர் புட்டின் அறிவித்துள்ளார்.
சீனப் பயணத்திற்கு முன்னதாக காணொளி வாயிலாக இன்று கருத்து வெளியிட்ட அவர் இவ்வாறு கூறியுள்ளார்.
இதன்போது மேலும் கருத்து வெளியிட்ட அவர், ரஷ்யாவுக்கும் சீனாவுக்கும் இடையிலான உறவுகள் பரஸ்பர புரிதல் மற்றும் நம்பிக்கையின் ‘முன்னெப்போதும் இல்லாத நிலையை’ எட்டியுள்ளதாக கூறியுள்ளார்.
பரஸ்பர நன்மை பயக்கும் மற்றும் சமத்துவ அடிப்படையிலான கொள்கைகளில் ஒத்துழைக்கவும், “இறையாண்மை மற்றும் தேசிய ஒற்றுமையைப் பாதுகாப்பது உட்பட, இரு நாடுகளின் முக்கிய நலன்களைப் பாதிக்கும் பிரச்சினைகளில் ஒருவருக்கொருவர் ஆதரவளிக்கவும்” தயாராக இருப்பதாகவும் அவர் தெரிவித்துள்ளார்.
அத்துடன் ரஷ்யாவும் சீனாவும் பொருளாதாரம், அரசியல் மற்றும் பாதுகாப்புத் துறைகளில் உறவுகளைத் தீவிரமாக விரிவுபடுத்தி வருவதாகவும் அவர் குறிப்பிட்டுள்ளார்.
