சரித்திரம் படைத்த புவனேஷ்வர் குமார்!

IPL வரலாற்றில் 200 விக்கெட்டுகளை வீழ்த்திய முதல் வேகப்பந்து வீச்சாளர் என்ற வரலாற்று சாதனையை ரோயல் சேலஞ்சர்ஸ் பெங்களூரு (RCB) அணியின் நட்சத்திர வீரர் புவனேஷ்வர் குமார் படைத்துள்ளார்.

பெங்களூரு சின்னசாமி மைதானத்தில் நேற்று (05) நடைபெற்ற சென்னை சுப்பர் கிங்ஸ் அணிக்கு எதிரான போட்டியில் இந்த மைல்கல்லை அவர் எட்டினார்.

இதுவரை 192 போட்டிகளில் விளையாடியுள்ள புவனேஷ்வர் குமார், 27.25 என்ற சராசரியில் 200 விக்கெட்டுகளைக் கைப்பற்றியுள்ளார்.

இதற்கு முன்னதாக சுழற்பந்து வீச்சாளர் யுஸ்வேந்திர சஹால் மட்டுமே 200 விக்கெட்டுகளைக் கடந்திருந்தமை குறிப்பிடத்தக்கது.