ஈரான் போர் : அணுசக்தி செறிவூட்டலுக்காகவா? அல்லது எண்ணெய் வளத்திற்காகவா?
யுரேனியம் செறிவூட்டலைத் தடுக்கவும், எண்ணெய் துறையில் ஈரானிய ஒத்துழைப்பைப் பெறவும், அமெரிக்க துருப்புக்களின் ஒரு குறிப்பிட்ட குழுவை ஈரானுக்கு அனுப்புவதில் டொனால்ட் ட்ரம்ப் தீவிர ஆர்வம் காட்டியுள்ளதாக தகவல் கசிந்துள்ள நிலையில், அதனை வெள்ளை மாளிகை மறுத்துள்ளது.
ஆனால் தரைப்படைகளின் சாத்தியக்கூறு உட்பட அனைத்து இராணுவ விருப்பங்களையும் ட்ரம்ப் திறந்தே வைத்துள்ளதாக கூறப்படுகிறது.
அதேநேரம் தரைப்படைகளின் தேவை இல்லாமல் அமெரிக்கா ஈரானின் வான்வெளி மற்றும் நீர்வழிகளை திறம்பட கட்டுப்படுத்தியுள்ளதாக இராணுவத் தலைவர்கள் கூறுகின்றனர்.
ஈரானில் அமெரிக்க தரைப்படைகளின் வாய்ப்பு குறிப்பிடத்தக்க அரசியல் பிளவை ஏற்படுத்தியுள்ளது, சில பழமைவாத விமர்சகர்கள் மற்றும் அரசியல்வாதிகள் கடுமையான எதிர்ப்பை வெளிப்படுத்தியுள்ளனர்.
இதற்கிடையே வெனிசுலாவில் மதுரோவை கைது செய்த பின்னர் எண்ணெய் வளத்தை கைப்பற்றியதை போலவே ஈரானிலும், ஒரு நிழல் அரசாங்கத்தை அமைத்து அதன் வழியில் எண்ணெய் வளத்தை கைப்பற்ற ட்ரம்ப் திட்டம் தீட்டியுள்ளதாகவும் கூறப்படுகிறது.
இதன் மூலமாக அணுசக்தி செறிவூட்டலை காரணமாக வைத்து ஆரம்பிக்கப்பட்ட இந்த போர் எண்ணெய் வளத்தை கைப்பற்றும் ஒரு வியூகமாக இருக்கலாம் என அரசியல் அவதானிகள் தெரிவித்துள்ளனர்.
