அரசாங்கத்தை கடுமையாகச் சாடிய சஜித் பிரேமதாசவின் புத்தாண்டு உரை.

எதிர்க்கட்சித் தலைவர் சஜித் பிரேமதாசவின் புத்தாண்டு உரையில் “வெற்று வாக்குறுதிகள் அல்ல, உண்மையான மாற்றமே தேசத்தின் தேவை!”

மேலும் 2025 இறுதியில் ஏற்பட்ட ‘டிட்வா’ (Ditwah) புயலால் பாதிக்கப்பட்ட மக்களுக்கு அரசாங்கம் வழங்கிய நிவாரணங்கள் போதுமானதாக இல்லை என அவர் சாடினார். பாதிக்கப்பட்ட ஒவ்வொரு குடும்பத்திற்கும் முறையான நஷ்டஈடு வழங்கப்பட வேண்டும் என வலியுறுத்தினார்.

மேலும் 2025-ல் அமுல்படுத்தப்பட்ட வரிச் சீர்திருத்தங்கள் சாதாரண மக்களின் முதுகெலும்பை உடைத்துள்ளதாகக் குறிப்பிட்ட அவர், 2026-ல் ஐக்கிய மக்கள் சக்தி (SJB) சார்பாக மக்கள் மீதான வரிச் சுமையைக் குறைக்க நாடாளுமன்றத்தில் தொடர்ந்து போராடுவோம் என உறுதியளித்தார்.

2026-ல் நடைபெறவுள்ள மாகாண சபைத் தேர்தல்கள், நாட்டில் ஒரு உண்மையான அரசியல் மாற்றத்திற்கு வழிவகுக்கும் என்றும், ஊழலற்ற நிர்வாகத்தை உருவாக்க மக்கள் தங்களுக்கு ஆதரவு வழங்க வேண்டும் என்றும் கேட்டுக்கொண்டார்.

நாட்டின் எதிர்காலமான இளைஞர்கள் வெளிநாடுகளுக்குச் செல்வதைத் தடுக்க, இலங்கையிலேயே புதிய வேலைவாய்ப்புகளையும் நவீன தொழில்நுட்பக் கல்வியையும் உருவாக்க வேண்டியது காலத்தின் கட்டாயம் என அவர் தெரிவித்தார்.

மேலும் இனம், மதம் கடந்து நாம் அனைவரும் “இலங்கையர்” என்ற ரீதியில் ஒன்றிணைந்தால் மட்டுமே, தற்போதைய இருண்ட காலத்திலிருந்து நாட்டை மீட்க முடியும் எனத் தனது செய்தியில் குறிப்பிட்டுள்ளார்.