சிங்கப்பூரில் கடுமையாகும் சட்டம் – மீறினால் 30 ஆண்டுகள் சிறை

சிங்கப்பூரில் தடை செய்யப்பட்ட போதை வஸ்துக்களை அதிக அளவு வைத்திருந்தால் இனி அதற்கான தண்டனைகள் அதிகரிக்கப்படும் என அறிவிக்கப்பட்டுள்ளது.

உள்துறை அமைச்சகம் செய்திக்குறிப்பில் இந்த அறிவிப்பு விடுக்கப்பட்டுள்ளது.

ஜூன் 1 முதல் அதற்கான தண்டனைகள் அதிகரிக்கப்பட்டுள்ளது.

நாடாளுமன்றத்தில் கடந்த மார்ச் 21 அன்று நிறைவேற்றப்பட்ட “போதைப்பொருள் சட்டம் திருத்த மசோதா” அறிமுகப்படுத்தப்பட்டதைத் தொடர்ந்து இது நடைமுறைக்கு வருகிறது.

பழைய நடைமுறைப்படி, ​​போதைப்பொருளை வைத்திருந்தால் (எடையைப் கணக்கில் எடுத்துக்கொள்ளாமல்) 10 ஆண்டுகள் வரை சிறைத்தண்டனை அல்லது S$20,000 வரை அபராதம் அல்லது இரண்டும் விதிக்கப்படலாம்.

திருத்தப்பட்ட போதைப்பொருள் தொடர்பான சட்டத்தின்படி, குறிப்பிட்ட அளவுக்கு மேல் தடைசெய்யப்பட்ட குறிப்பிட்ட வகை போதை பொருட்களுக்கான தண்டனைகளை அதிகரிக்கப்படும்.

தண்டனை உயர்த்தப்படும் குறிப்பிட்ட போதை பொருட்கள்:
மார்பின், டயமார்ஃபின், அபின், கோகோயின், கன்ஞ்சா, கன்ஞ்சா பிசின் வகை, கன்ஞ்சா கலவை, மெத்தம்பேட்டமைன், மேற்கண்ட எட்டு வகை போதைப் பொருட்களை வைத்திருந்தால் அதிகபட்சமாக 30 ஆண்டுகள் சிறைத்தண்டனையும், 15 பிரம்படிகளும் தண்டனையாக இனி விதிக்கப்படும்.

திருத்தப்பட்ட சட்டத்தின்படி, போதைப்பொருள் தடுப்புப் பிரிவு அதிகாரிகளுக்கு கூடுதல் அதிகாரமும் வழங்கப்பட்டுள்ளது.