மீண்டும் அமெரிக்கா செல்லும் பாகிஸ்தான் ராணுவத் தளபதி அசிம் முனீர்

பாகிஸ்தான் ராணுவத் தளபதி ஃபீல்ட் மார்ஷல் அசிம் முனீர் இரண்டு மாதங்களில் இரண்டாவது முறையாக அமெரிக்காவிற்கு வருகை தர உள்ளதாக பாகிஸ்தான் ஊடகங்கள் தெரிவிக்கின்றன.

இந்தப் பயணம் இஸ்லாமாபாத் மற்றும் வாஷிங்டன் டிசி இடையேயான உறவுகளை ஆழப்படுத்துவதற்கான அறிகுறியாகக் கருதப்படுகிறது.

மேலும் அதிகரித்து வரும் வர்த்தக வரிகள் தொடர்பாக அமெரிக்காவிற்கும் இந்தியாவிற்கும் இடையே பதற்றம் அதிகரித்து வரும் நேரத்தில் இது நிகழ்கிறது.

ஜூலை மாதம் அமெரிக்க மத்திய கட்டளைத் தளபதி (CENTCOM) ஜெனரல் மைக்கேல் எரிக் குரில்லா பாகிஸ்தானுக்கு மேற்கொண்ட சமீபத்திய பயணத்தைத் தொடர்ந்து, ஃபீல்ட் மார்ஷல் முனிரின் வரவிருக்கும் பயணமும் நடைபெறுகிறது.

அந்தப் பயணத்தின் போது, பாகிஸ்தான் அரசாங்கம், அமெரிக்க ஜெனரலுக்கு, இராணுவ வீரர்களுக்கான நாட்டின் மிக உயர்ந்த கௌரவங்களில் ஒன்றான நிஷான்-இ-இம்தியாஸ் (இராணுவம்) விருதை வழங்கியது.