இலங்கை: 16 மில்லியனுக்கும் அதிக மதிப்புள்ள கேரள கஞ்சா பறிமுதல்

யாழ்ப்பாணம், மாமுனையில் இலங்கை கடற்படை மற்றும் காவல்துறையினர் நடத்திய ஒருங்கிணைந்த தேடுதல் நடவடிக்கையில் சுமார் 71 கிலோ 400 கிராம் கேரள கஞ்சா பறிமுதல் செய்யப்பட்டுள்ளது.

மருதங்கேணி காவல்துறையினருடன் இணைந்து வடக்கு கடற்படை கட்டளையின் வெத்தலகேணி கடற்படைப் பிரிவு கடற்படையினர் குழு இந்த தேடுதல் நடவடிக்கையை மேற்கொண்டதாக இலங்கை கடற்படை தெரிவித்துள்ளது.

அதன்படி, ஒருங்கிணைந்த தேடுதலில் 04 பயணப் பைகள் மற்றும் 01 சாக்குப்பை மீட்கப்பட்டது, அவற்றில் சுமார் 71 கிலோ 400 கிராம் எடையுள்ள கேரள கஞ்சா நிரப்பப்பட்டிருந்தது என்று கடற்படை மேலும் தெரிவித்துள்ளது.

கடற்படையினர் இப்பகுதியில் கடலோர கண்காணிப்பு தீவிரப்படுத்தியதால், கடத்தல்காரர்கள் கேரள கஞ்சாவை கைவிட்டிருக்கலாம் என்று நம்பப்படுகிறது.

இதற்கிடையில், இந்த நடவடிக்கையில் கைப்பற்றப்பட்ட கேரள கஞ்சா கையிருப்பின் மொத்த மதிப்பு ரூ. 16 மில்லியனுக்கும் அதிகமாக இருக்கும் என்று கடற்படை தெரிவித்துள்ளது.