அமெரிக்க ஜனாதிபதி தேர்தல் – வெற்றியாளரை தேர்வு செய்த நீர்யானை

அமெரிக்க ஜனாதிபதி தேர்ந்தெடுக்கும் தேர்தல் இன்று நடைபெறவுள்ளது.

இந்த நிலையில், தேர்தலில் போட்டியிடும் கமலா ஹாரிஸ் மற்றும் டொனால்ட் டிரம்ப்பு இருவரும் தீவிரமாகப் பிரச்சாரம் செய்து வந்த நிலையில், நேற்று தங்களுடைய இறுதி பிரச்சாரத்தை முடித்தனர்.

இன்று மாலை 5.30 மணி முதல் (இலங்கை, இந்திய நேரப்படி) தொடங்கி நாளை அதிகாலை 5.30 மணி வரையில் தேர்தல் நடைபெறுகிறது.

அமெரிக்க நேரப்படி காலை 7 மணி முதல் இரவு 7 மணி வரை நடைபெறும்.

இந்த சூழலில், யார் அமெரிக்கத் தேர்தலில் யார் வெற்றிபெறப்போகிறார் என்ற எதிர்பார்ப்பும் அமெரிக்க மக்களுக்கு மத்தியில் எழுந்துள்ளது. இதுவரை, நடைபெற்ற கருத்துக் கணிப்பில் ஜனநாயக கட்சி வேட்பாளரான கமலா ஹாரிஸுக்கு ஆதரவு பெருகி வந்தது. ஆனால், நேற்று அமெரிக்காவில் முக்கியமான ஒரு 7 மாகாணங்களில் எடுக்கப்பட்ட ஒரு கருத்துக் கணிப்பில் குடியரசு கட்சி வேட்பாளரான டிரம்ப்க்கு ஆதரவு பெருகி இருப்பதாகவும் தெரியவந்தது.

இதனையடுத்து, 2024 ஜனாதிபதித் தேர்தலில் யார் வெற்றிபெறுவார் என்பதை நீர்யானை ஒன்று தேர்ந்தெடுத்துள்ளதாக சமூக வலைத்தளங்களில் வீடியோ ஒன்று வெளியாகியுள்ளது.

ஜூலை மாதம் பிறந்த தாய்லாந்தின் பிரபலமான பிக்மி நீர்யானை ஒன்றிடம் மிருகக்காட்சிசாலையில் வைத்து இரண்டு கேக்குகள் வழங்கப்பட்டது. அதில், ஒரு கேக்கில் கமலா ஹாரிஸ் பெயரும், மற்றொரு கேக்கில் டொனால்ட் டிரம்ப்பு பெயரும் எழுதப்பட்டு இருந்தது.

இந்த இரண்டு கேக்குகளில் அந்த நீர்யானை எந்த கேக்கை முதலில் சாப்பிடுகிறதோ அந்த கேக்கில் எழுதி இருப்பவரின் பெயர் தான் வெற்றியாளர் எனக் கூறி காட்டப்பட்டது.

அப்போது அந்த நீர் யானை டொனால்ட் டிரம்ப்பு பெயர் எழுதி வைத்திருந்த கேக்கை சாப்பிட்டது. எனவே, அமெரிக்க தேர்தலில் வெற்றியாளர் டொனால்ட் டிரம்ப்பு தான் என அவருடைய ஆதரவாளர்கள் சமூக வலைத்தளங்களில் தெரிவித்து வருகிறார்கள். இதனால், இந்த மாதிரி மூட நம்பிக்கையை நம்ப வேண்டாம் எனக் கமலா ஹாரிஷ் ஆதரவாளர்கள் மற்றொரு பக்கம் கூறி வருகிறார்கள்.

https://x.com/TheInsiderPaper/status/1853510917583249504

தொடர்புடைய செய்திகள்:

நியூயார்க் பங்குச் சந்தைக்கு வெளியே போராட்டத்தில் ஈடுபட்ட பாலஸ்தீனிய சார்பு எதிர்ப்பாளர்கள் கைது சீன நிறுவனங்களுக்கு தடை விதித்த அமெரிக்கா ஜஸ்டின் ட்ரூடோவின் ராஜினாமாவுக்கு அழைப்பு விடுத்த கனடா பாராளுமன்ற உறுப்பினர்கள் சட்ட விரோதமாக குடியேறிய இந்தியர்களை திருப்பி அனுப்பும் அமெரிக்கா சர்வதேச விண்வெளி நிலையத்திலிருந்து தீபாவளி வாழ்த்து தெரிவித்த சுனிதா வில்லியம்ஸ் கமலா ஹாரிஸை ஆதரிக்கும் நடிகர் அர்னால்ட் ஸ்வார்ஸ்னேக்கர்