கொள்முதல் செயல்முறையில் உள்ள குறைப்பாடுகளால் இலங்கை அரசாங்கத்திற்கும் ஏற்படும் நஷ்டம் தொடர்பில் கலந்துரையாடல்!

கொள்வனவு நடவடிக்கைகளில் காணப்படும் குறைபாடுகள் அரசாங்கத்திற்கு கணிசமான நஷ்டத்தை ஏற்படுத்துவதாக தேசிய கொள்வனவு ஆணைக்குழுவின் (NPC) அதிகாரிகள் இன்று ஜனாதிபதி அனுரகுமார திஸாநாயக்கவிற்கு அறிவித்துள்ளனர்.

இந்த குறைபாடுகள் மோசடி மற்றும் ஊழலுக்கான அதிக வாய்ப்புகளை உருவாக்கி இருப்பதாக அவர்கள் ஜனாதிபதியிடம் தெரிவித்ததாக ஜனாதிபதி ஊடகப் பிரிவு (PMD) தெரிவித்துள்ளது.

“மூலதனச் செலவுகள் உட்பட அனைத்து அரசாங்க செலவினங்களில் 60% முறையான கொள்முதல் செயல்முறையைப் பின்பற்ற வேண்டும் என்றாலும், இந்த செயல்பாட்டில் உள்ள குறைபாடுகள் அரசாங்கத்திற்கு கணிசமான இழப்பை ஏற்படுத்துகின்றன. இது மோசடி மற்றும் ஊழலுக்கு அதிக வாய்ப்புகளை உருவாக்குகிறது” என்று அதிகாரிகள் ஜனாதிபதியிடம் தெரிவித்தனர்.

இன்று (28) முற்பகல் ஜனாதிபதி செயலகத்தில் இடம்பெற்ற சந்திப்பின் போதே, தற்போதைய கொள்வனவு சட்டங்கள் மற்றும் நடைமுறைகள் தொடர்பில் வடமாகாணசபை அதிகாரிகளுடன் ஆழ்ந்த கலந்துரையாடலில் ஈடுபட்ட ஜனாதிபதிக்கு அவர்கள் இதனைத் தெரிவித்தனர்.

இதனையடுத்து கொள்முதல் திட்டத்தை நடைமுறைப்படுத்துதல் மற்றும் தேசிய கொள்முதல் ஆணைக்குழுவை (NPC) பலப்படுத்துவதன் முக்கியத்துவத்தை ஜனாதிபதி வலியுறுத்தினார்.

கொள்முதல் செயல்பாட்டில் உள்ள தாமதம், வெளிப்படைத்தன்மை இல்லாமை மற்றும் திறமையின்மை தொடர்பான பிரச்சனைகள் குறித்தும் கலந்துரையாடப்பட்டது. கோரப்படாத முன்மொழிவுகள் மற்றும் பொது-தனியார் கூட்டு (PPP) கொள்முதல் ஆகியவற்றில் குறைபாடுகளைக் குறைப்பது குறித்து கவனம் செலுத்தப்பட்டது.

மிகவும் முறையான கொள்முதல் திட்டமிடலை நிறுவுவதற்கு NPCயின் அதிகாரத்தை மேலும் விரிவுபடுத்த வேண்டியதன் அவசியத்தை ஜனாதிபதி திஸாநாயக்க சுட்டிக்காட்டினார்.

தொடர்புடைய செய்திகள்:

இலங்கை தொடர்பான ஜெனீவா தீர்மானம் : இணை அணுசரணையாளர்களாக இணைந்த முன்னணி நாடுகள்! இலங்கை அரசியலில் ஏற்பட்டுள்ள மாபெரும் புரட்சி : இளம் தலைமுறையினருக்கு கிடைக்கும் வாய்ப்பு! ஸ்ரீலங்கன் எயார்லைன்ஸ் நிறுவனத்தின் புதிய தலைவராக சரத் கனேகொட நியமனம் இலங்கையில் 03 மாவட்டங்களில் வாழும் மக்களுக்கு விடுக்கப்பட்டுள்ள எச்சரிக்கை! ஐரோப்பா எல்லைப்பகுதியில் யாழ் கோப்பாய் இளைஞரின் சடலம் மீட்பு இலங்கை – அனுரவின் ஆட்சி 03 மாதமா அல்லது 03 வாரமா என்று தெரியவில்லை : ரணில்!