ரத்தன் டாடாவுக்குப் பிரியாவிடை கொடுத்த வளர்ப்பு நாய்

இந்தியாவின் தொழிலதிபர் ரத்தன் டாடா காலமான நிலையில் அவரது மறைவு குறித்துப் பல பிரபலங்களும் தலைவர்களும் இரங்கல் தெரிவித்து வருகின்றனர்.

இந்த நிலையில்அவர் பிரியமாக வளர்த்த நாய் ‘Goa’ அவருக்குப் பிரியாவிடை கொடுத்திருக்கிறது.

செல்லப் பிராணிகளின் மேல் மிகுந்த அன்பு கொண்டவர் ரத்தன் டாடா, ஒரு செல்லப் பிராணி இறந்துவிட்டால் அந்தத் துயரத்தை மறக்க அதிகக் காலம் பிடிக்கும் என்று அவர் ஒரு பேட்டியில் கூறியிருக்கிறார்.

அதற்கமைய, சில ஆண்டுகளுக்கு முன்னர், அவர் கோவாவிற்குச் சென்றபோது Goa-வை மீட்டு வளர்த்து வந்தார்.

2018இல் பக்கிங்ஹாம் அரண்மனையில் (Buckingham Palace) அவருக்கு வாழ்நாள் சாதனை விருது வழங்கப்படவிருந்தது. அவர் புறப்படத் தயாரானார்.

அந்த நேரத்தில் அவரது நாய்க்கு உடல்நலம் குன்றியதால், அவர் நிகழ்ச்சியில் கலந்துகொள்ளாமல் வீட்டில் இருந்து வளர்ப்புப் பிராணியைக் கவனித்துக் கொண்டமை குறிப்பிடத்தக்கது.

தொடர்புடைய செய்திகள்:

ரத்தன் டாடா காலமானார் மறைந்த தொழிலதிபர் ரத்தன் டாடாவின் கடைசி சமூக ஊடகப் பதிவு டெல்லி முதல்வர் அரவிந்த் கெஜ்ரிவால் கைது தங்கத்தை மலக்குடலில் மறைத்து கடத்திய இருவர் டெல்லி விமான நிலையத்தில் கைது உத்தரப் பிரதேசத்தில் உண்ணாவிரதப் போராட்டத்தில் ஈடுபட்ட நபர் மரணம் சென்னை விமான நிலையத்தில் 138 நட்சத்திர ஆமைகள் பறிமுதல்