இலங்கையில் பொதுத் தேர்தலுக்கான வேட்பு மனு கையேற்பு இன்று முதல்

நவம்பர் மாதம் இடம்பெறவுள்ள பொதுத் தேர்தலுக்கான வேட்பு மனு கையேற்பு இன்று முதல் ஆரம்பமாகிறது.

இன்று முதல் எதிர்வரும் 11ஆம் திகதி நண்பகல் 12 மணி வரை 22 மாவட்டச் செயலாளர் அலுவலகங்களில் வேட்பு மனுக்கள் ஏற்றுக் கொள்ளப்படவுள்ளதாகத் தேர்தல்கள் ஆணைக்குழுவின் தலைவர் ஆர்.எம்.ஏ.எல் ரத்னாயக்க தெரிவித்துள்ளார்.

அரசியல் கட்சிகளும் சுயேட்சை குழுக்களும் எதிர்வரும் 11ஆம் திகதி மதியம் 12 மணிவரை கட்டுப்பணத்தைச் செலுத்த முடியும். எனினும் இறுதி தருணத்தில் கட்டுப்பணம் செலுத்துவதைத் தவிர்க்குமாறு வேட்பாளர்களிடம் கோரிக்கை விடுக்கிறோம்.

இறுதி தருணத்தில் கட்டுப்பணம் செலுத்தப்பட்டால் வேட்பு மனுக்களைத் தாக்கல் செய்வதற்கான காலப்பகுதியில் சிக்கல் ஏற்படும் என தேர்தல்கள் ஆணைக்குழுவின் தலைவர் ஆர்.எம்.ஏ.எல் ரத்னாயக்க தெரிவித்துள்ளார்.

இதேவேளை, வேட்பு மனு கையளிப்பு காலப்பகுதியில் விசேடப் பாதுகாப்பு வேலைத்திட்டம் முன்னெடுக்கப்படவுள்ளதாக பொலிஸ் தலைமையகம் தெரிவித்துள்ளது.

பொதுத் தேர்தலுக்கான வேட்பு மனு கையளிப்பு காலப்பகுதியில் பேரணி மற்றும் ஊர்வலம் நடத்தத் தடை விதிக்கப்பட்டுள்ளதாகக் பொலிஸ் தலைமையகம் விடுத்துள்ள அறிக்கையில் குறிப்பிடப்பட்டுள்ளது.

See also  இலங்கையில் முன்னாள் அமைச்சர் குமார வெல்கம காலமானார்

தொடர்புடைய செய்திகள்:

பௌத்த மதத்தை அவமதித்த பிக்குவிற்கு விளக்கமறியல் கொழும்பில் திறக்கப்படவுள்ள மிகவும் பிரமாண்ட ஹோட்டல் குருதேவ் ஸ்ரீ ஸ்ரீ ரவிசங்கர் பிரதமர் தினேஷை சந்தித்தார் யாழிலிருந்து கொழும்பு நோக்கி பயணித்த பேருந்து விபத்து – மூவர் பலி தியாக தீபத்தின் நினைவேந்தல் ஆரம்பம் சம்பந்தனின் இல்லம் பறிக்கப்படுமா?