டென்மார்க்கில் காசா போருக்கு எதிரான போராட்டத்தில் ஈடுபட்ட கிரேட்டா துன்பெர்க் கைது

டென்மார்க்கில் காசா போருக்கு எதிரான போராட்டத்தில் ஈடுபட்ட சுற்றுச்சூழல் ஆர்வலர் கிரேட்டா துன்பெர்க் கைது செய்யப்பட்டதாக ஆர்ப்பாட்டத்தை ஏற்பாடு செய்த மாணவர் குழுவின் செய்தித் தொடர்பாளர் தெரிவித்தார்.

கோபன்ஹேகன் பல்கலைக்கழகத்தில் 20 பேர் கட்டிடத்தின் நுழைவாயிலைத் தடுத்ததையடுத்து, மூன்று பேர் அதற்குள் நுழைந்ததை அடுத்து மொத்தம் 6 பேர் கைது செய்யப்பட்டதாக காவல்துறை செய்தித் தொடர்பாளர் செய்தி நிறுவனத்திற்கு தெரிவித்தார்.

துன்பெர்க் இன்ஸ்டாகிராமில் ‘ஆக்கிரமிப்புக்கு எதிரான மாணவர்கள்’ குழு போராட்டம் நடத்தும் கட்டிடத்திற்குள் நுழைந்த காட்சிகளை இன்ஸ்டாகிராமில் பகிர்ந்துள்ளார்.

“பாலஸ்தீனத்தில் நிலைமை மோசமடைந்து வரும் நிலையில், கோபன்ஹேகன் பல்கலைக்கழகம் இஸ்ரேலிய பல்கலைக்கழகங்களுடன் தனது ஒத்துழைப்பைத் தொடர்கிறது, அதன் மூலம் இனப்படுகொலை செய்யப் பயன்படும் அறிவுக்கு பங்களிக்கிறது. எங்கள் பல்கலைக்கழகம் இனப்படுகொலைக்கு பங்களிக்கக்கூடாது” என்று ஆக்கிரமிப்புக்கு எதிரான மாணவர்கள் தெரிவித்தனர்.

கைது செய்யப்பட்டவர்களின் அடையாளங்களை உறுதிப்படுத்த பொலிசார் மறுத்துவிட்டனர் ஆனால் ‘ஆக்கிரமிப்புக்கு எதிரான மாணவர்கள்’ 21 வயதான காலநிலை ஆர்வலர் கைது செய்யப்பட்டவர்களில் ஒருவர் என்று தெரிவித்தனர்.

காசாவில் இஸ்ரேலின் இராணுவ நடவடிக்கை மற்றும் பாலஸ்தீனியப் பகுதிகளை ஆக்கிரமித்ததற்கு எதிராக அமெரிக்கா மற்றும் ஐரோப்பாவைச் சுற்றியுள்ள மாணவர்கள் பல்கலைக்கழகங்களில் முகாம்களை அமைத்துள்ளனர்.