கைபர் பக்துன்க்வாவில் சுட்டுக் கொல்லப்பட்ட பாகிஸ்தான் பத்திரிகையாளர்

நாட்டின் வடமேற்கில் உள்ள கைபர் பக்துன்க்வா மாகாணத்தில் பாகிஸ்தான் பத்திரிகையாளர் ஒருவர் அடையாளம் தெரியாத ஆயுததாரிகளால் சுட்டுக் கொல்லப்பட்டதாக பழங்குடி பத்திரிகையாளர் சங்கம் தெரிவித்துள்ளது.

கைபர் மாவட்டத்தின் மஸ்ரினா சுல்தான்கெல் பகுதியில் உள்ள அவரது வீட்டிற்கு அருகே, ‘கைபர் நியூஸ்’ என்ற பாஷ்டோ செய்தி சேனலுடன் தொடர்புடைய கலீல் ஜிப்ரான், துப்பாக்கிச் சூடு நடத்தியவர்களால் சுட்டுக் கொல்லப்பட்டார்.

சஜித் என்ற மற்றொரு நபர் துப்பாக்கிச் சூட்டில் காயமடைந்தார்.

ஊடகவியலாளரை கொன்றுவிட்டு தாக்குதல் நடத்தியவர்கள் அங்கிருந்து தப்பியோடியுள்ளனர்.

பழங்குடியினர் மாவட்டத்தின் மஸ்ரினா பகுதி தீவிரவாதிகளின் புகலிடமாக உள்ளது. ஜிப்ரான் கொல்லப்பட்டதை குடும்ப ஆதாரங்கள் உறுதி செய்தன, மேலும் ஒரு மூத்த பத்திரிகையாளர் இது இலக்கு வைக்கப்பட்ட கொலை என்று குற்றம் சாட்டினார்.

மூத்த பழங்குடி பத்திரிக்கையாளர் கொல்லப்பட்டதை கண்டித்த கைபர் பக்துன்க்வா முதல்வர் அலி அமின் கந்தாபூர், சம்பந்தப்பட்டவர்களை உடனடியாக கைது செய்ய உத்தரவிட்டார்.