ஒரே நாளில் இரண்டு முறை உயிரிழந்த பெண் – அமெரிக்காவில் சம்பவம்

அமெரிக்காவின் நெப்ராஸ்கா மாகாணத்தில் இருந்து ஒரே நாளில் இருமுறை உயிரிழந்த பெண் பற்றிய தகவல்கள் வெளியாகி வருவதாக வெளிநாட்டு ஊடகங்கள் தெரிவிக்கின்றன.

நெப்ராஸ்கா தலைநகர் லிங்கனில் சிகிச்சை பெற்று வந்த இந்த பெண், கடந்த 3ம் திகதி காலை 9.44 மணியளவில் முதல் முறையாக உயிரிழந்ததாக லிங்கன் நகர அதிகாரிகள் தெரிவித்துள்ளனர்.

74 வயதுடைய Constance Glantz என்ற பெண்ணே இவ்வாறு உயிரிழந்துள்ளார்.

வெளிநாட்டு ஊடகங்களின்படி, முதியோர் இல்லத்தின் மருத்துவர் கான்ஸ்டன்ஸ் கிளாண்ட்ஸ் இறந்துவிட்டதாக அதிகாரப்பூர்வமாக அறிவித்ததையடுத்து, அவரது உடல் புத்தேராஸ் மெஸ்ஸர் மற்றும் லவ் ஃப்ளவர் ஹாலுக்கு கொண்டு செல்லப்பட்டது.

சில மணி நேரங்களுக்குப் பிறகு,  மலர்சாலை ஊழியர்கள் வந்து உடலை இறுதிச் சடங்குகளுக்குத் தயார் செய்தனர், அப்போது அவர் உயிருடன் இருப்பதைக் கண்டனர்.

உடனடியாக செயற்பட்ட மலர்சாலை ஊழியர்கள், அவருக்கு செயற்கை சுவாசம் அளித்து, அவசர உதவி எண்ணுக்கு தகவல் தெரிவித்ததாக கூறப்படுகிறது.

ஒரு அவசர சேவை ஆம்புலன்ஸ் சம்பவ இடத்திற்கு வந்து உடனடியாக Glantz ஐ மருத்துவமனையில் அனுமதித்தது, பின்னர் சம்பவம் குறித்து அவரது குடும்ப உறுப்பினர்களுக்கு தகவல் தெரிவிக்கப்பட்டது.

ஆனால் துரதிர்ஷ்டவசமாக மீண்டும் அதே நாள் மதியம் அவர் இறந்துவிட்டதாக மருத்துவமனை கூறியது.

இந்த சம்பவம் தொடர்பில் விசாரணைகள் ஆரம்பிக்கப்பட்டுள்ளதாகவும் விசாரணையின் முடிவில் சம்பவத்திற்கான மூல காரணத்தை வெளிக்கொணர முடியும் எனவும் அதிகாரிகள் தெரிவித்துள்ளதாக வெளிநாட்டு ஊடகங்களில் மேலும் தெரிவிக்கப்பட்டுள்ளது.