இலங்கையில் குடிவரவு முறையை ஆய்வு செய்ய சிங்கப்பூர் குழு இலங்கை விஜயம்
சிங்கப்பூரின் குடிவரவு மற்றும் சோதனைச் சாவடிகள் ஆணையத்தின் (ICA) ஆறு பேர் கொண்ட பிரதிநிதிகள் குழுவொன்று இலங்கைக்கு ஒரு வார காலப் பயணம் மேற்கொண்டுள்ளது.
சிங்கப்பூர் சட்ட அமைச்சர் கே.சண்முகத்திடம் பொதுப் பாதுகாப்பு அமைச்சர் டிரன் அலஸ் விடுத்த கோரிக்கையை அடுத்து இந்தக் குழுவினர் இலங்கை வந்தடைந்தனர்.
ஒத்துழைப்பை மேம்படுத்துவதும், மேம்பட்ட தொழில்நுட்பத்தை ஒருங்கிணைத்து, சிங்கப்பூரின் தரநிலைகளுக்கு ஏற்ப இலங்கையின் குடிவரவு முறையை மேம்படுத்துவதும் இந்த விஜயத்தின் நோக்கமாகும் என அமைச்சு தெரிவித்துள்ளது.
இந்த முயற்சி இலங்கையில் அனைத்து குடிவரவு, விசா மற்றும் குடியுரிமை செயல்முறைகளை நவீனமயமாக்குவதை நோக்கமாகக் கொண்டுள்ளது.
விமான நிலையம் மற்றும் குடிவரவுத் திணைக்களத்தின் செயற்பாடுகள் தொடர்பில் விரிவான ஆய்வுகளை மேற்கொண்ட அமைச்சர் அலஸ், இலங்கையின் அமைப்பை சிங்கப்பூரின் தரத்திற்கு உயர்த்துவதற்கான நடவடிக்கைகள் குறித்து விரிவான அறிக்கையை கோரினார்.
ஒரு மாதத்திற்குள் அறிக்கை சமர்ப்பிக்கப்படும் என்று தூதுக்குழு உறுதியளித்ததாக அமைச்சகம் தெரிவித்துள்ளது.
(Visited 12 times, 1 visits today)
