பிரேசிலில் கோர விபத்து – 9 பேர் பலி – 20க்கும் அதிகமானோர் படுகாயம்

பிரேசிலின் வடகிழக்குப் பகுதியில் நெடுஞ்சாலையில் பயணம் செய்த பேருந்து கவிழ்ந்து விபத்துக்குள்ளானதில் 9 பேர் உயிரிழந்த நிலையில் 20க்கும் அதிகமானோர் படுகாயமடைந்துள்ளனர்.

பேருந்து ரியோ டி ஜெனீரோவிலிருந்து (Rio de Janeiro) போர்ட்டோ செகுரோவுக்குச் (Porto Seguro) சென்றுகொண்டிருந்தபோது விபத்து நிகழ்ந்தது.

பேருந்தில் 34 பேர் இருந்தனர். காயமுற்றவர்களின் நிலை குறித்து தகவல் இல்லை.

அவர்கள் எந்த நாட்டைச் சேர்ந்தவர்கள் என்ற தகவலும் வெளியிடப்படவிலை.

பேருந்தில் 2 ஓட்டுநர்கள் இருந்தனர். அவர்கள் இருவருக்கும் எந்தக் காயமும் இல்லை என்றனர் அதிகாரிகள்.

பிரேசிலில் பேருந்து விபத்துகள் அடிக்கடி நேர்வதுண்டு. உலகில் மிகப் பெரிய நிலப் பரப்பளவைக் கொண்ட நாடுகளின் பட்டியலில் 5ஆவது இடத்தில் பிரேசில் உள்ளது. அது தரைப் போக்குவரத்து வசதியை அதிகம் நம்பியிருக்கிறது.