இலங்கை: கோப் குழுவிலிருந்து தயாசிறி ஜயசேகர இராஜினாமா

ஸ்ரீலங்கா சுதந்திரக் கட்சியின் (SLFP) பாராளுமன்ற உறுப்பினர் தயாசிறி ஜயசேகர, பொது நிறுவனங்கள் தொடர்பான பாராளுமன்றக் குழுவில் (COPE) இருந்து இராஜினாமா செய்துள்ளதாக அறிவித்துள்ளார்.

அவர் தனது ராஜினாமா கடிதத்தை சபாநாயகருக்கு அனுப்பியுள்ளதாக தெரிவிக்கப்பட்டுள்ளது.

பல குற்றச்சாட்டுகள் எழுந்துள்ள தலைவருடன் இணைந்து பணியாற்ற முடியாது என்று அவர் தனது
‘எக்ஸ்’ தளத்தில் குறிப்பிட்டுள்ளார்.

ஸ்ரீலங்கா பொதுஜன பெரமுன (SLPP) அரகலயவிடம் இருந்து பாடம் கற்றுக் கொள்ளவும், மக்களை மதிக்கவும் தவறியிருப்பது துரதிஷ்டவசமானது எனவும் அவர் தெரிவித்துள்ளார்.

ஊழலை தவிர்க்குமாறு அரச அதிகாரிகளுக்கு அறிவுறுத்துவதற்கு பாராளுமன்றத்தில் உள்ள குழுக்களும் ஊழலற்றதாக இருக்க வேண்டும் என பாராளுமன்ற உறுப்பினர் ஜயசேகர மேலும் தெரிவித்தார்.

இதே காரணத்தை காட்டி நேற்று கோப் குழுவில் இருந்து விலகிய சமகி ஜன பலவேகய (SJB) பாராளுமன்ற உறுப்பினர் எரான் விக்கிரமரத்னவின் ராஜினாமாவை தொடர்ந்து அவரது ராஜினாமா இடம்பெற்றுள்ளது.

தொடர்புடைய செய்திகள்:

உள்ளுராட்சி தேர்தலை உடனடியாக நடத்துமாறு பௌத்தசாசன செயலணி வேண்டுகோள்! வளிமண்டலவியல் திணைக்களம் வெளியிட்டுள்ள அறிவிப்பு! இலங்கையில் இரு வேறு பகுதிகளில் இராணுவ சிப்பாய்கள் உயிரிழப்பு! மன்னாரில் சாந்தனுக்கு உணர்வுபூர்வமாக அஞ்சலி