தெற்கு ஆப்கானிஸ்தானில் கோர விபத்து : 21 பேர் பலி!

தெற்கு ஆப்கானிஸ்தானில் இடம்பெற்ற வாகன விபத்தில் குறைந்தது 21 பேர் உயிரிழந்துள்ளதுடன், 38 பேர் காயமடைந்துள்ளதாக அந்நாட்டு அதிகாரிகள் தெரிவித்துள்ளனர்.

தெற்கு காந்தஹார் மற்றும் மேற்கு ஹெராத் மாகாணங்களுக்கு இடையிலான பிரதான நெடுஞ்சாலையில் ஹெல்மண்ட் மாகாணத்தின் கெராஷ்க் மாவட்டத்தில் இன்று (17.03) காலை குறித்த விபத்து நேர்ந்துள்ளது.

விபத்தில் காயமடைந்த  38 பேரில் 11 பேர் பலத்த காயங்களுடன் மருத்துவமனைகளுக்கு மாற்றப்பட்டதாக அதிகாரிகள் தெரிவித்தனர்.

சம்பவம் குறித்த மேலதிக விசாரணைகளை பொலிஸார் மேற்கொண்டு வருவதாக அறிவிக்கப்பட்டுள்ளது.