பிலிப்பைன்ஸில் எடை அதிகரித்ததால் கவிழ்ந்த படகு – 26 பேர் பலி

பிலிப்பைன்ஸ் நாட்டின் பினன்ஹொன் நகரில் இருந்து ஏரி வழியாக தலிம் தீவிற்கு பயணிகள் படகு பயணம் மேற்கொண்டது. படகில் 70 பயணிகள் பயணித்தனர். ஏரியில் படகு சென்றுகொண்டிருந்தபோது திடீரென பலத்த காற்றுடன், கனமழை பெய்துள்ளது.

இதனால், பயணிகள் அனைவரும் படகின் ஒரு பக்கத்தில் குவிந்துள்ளனர். இதனால், ஒரு பக்கத்தில் எடை அதிகரித்ததால் நிலை தடுமாறிய படகு ஏரியில் கவிழ்ந்து விபத்துக்குள்ளானது. இதில், பயணிகள் அனைவரும் ஏரியில் மூழ்கினர்.

இந்த விபத்து குறித்து தகவலறிந்த மீட்புக்குழுவினர் சம்பவ இடத்திற்கு விரைந்து சென்று மீட்புப்பணியில் ஈடுபட்டனர். ஆனால், இந்த விபத்தில் 26 பேர் உயிரிழந்தனர்.

இந்த விபத்து குறித்து பொலிஸார் நடத்திய முதற்கட்ட விசாரணையில் 42 பேர் பயணிக்கக்கூடிய படகில் 70 பேர் பயணித்ததும், பயணிகள் யாரும் உயிர்காக்கும் கவச உடை (லைப் ஜாக்கெட்) அணியவில்லை என்பதும் தெரியவந்துள்ளது.

தொடர்புடைய செய்திகள்:

சிங்கப்பூரில் கொரோனா அச்சுறுத்தல் – மருத்துவமனைகளில் அதிகரிக்கும் நோயாளிகள் வடகொரியா, ரஷ்யாவிற்கு ஆயுதங்களை ஏற்றுமதி செய்கிறதா? – கிம்மின் சகோதரி பதில்! சீர்திருத்த நடவடிக்கைகள் குறித்து வாக்கெடுப்பு ; போர்க்களமாக மாறிய தைவான் நாடாளுமன்றம் சீனாவில் பொருளாதார மந்தநிலை ; அதிபர் ஷி ஜின்பிங் தலைமையில் ஆலோசனை கூட்டம் பெருவில் 25 வருட சிறைவாசத்துக்குப் பிறகு விடுதலையானவர் மீண்டும் ஜனாதிபதியாக முயற்சி வங்கதேசத்திற்கு வருகை தந்துள்ள ஐ.நா குழுவினர் : மனித உரிமை மீறல்கள் தொடர்பில் விசாரணை!