அலவ்வ வலகும்புர பிரதேசத்தில் மா ஓயா ஆற்றில் மூழ்கி நான்கு பாடசாலை மாணவர்கள் உயிரிழந்துள்ளதாக தெரிவிக்கப்படுகிறது. நீரில் மூழ்கிய மேலும் ஒருவர் மருத்துவமனையில் அனுமதிக்கப்பட்டுள்ளார். சம்பவம் இடம்பெற்ற போது ஐந்து சிறுவர்கள் கொண்ட குழு ஆற்றில் குளித்துக் கொண்டிருந்ததாக பொலிஸ் ஊடகப் பேச்சாளர், பிரதி பொலிஸ்மா அதிபர் நிஹால் தல்துவா தெரிவித்தார். இவர்களில் ஒரு சிறுவன் பிரதேசவாசிகளால் மீட்கப்பட்டு வைத்தியசாலையில் அனுமதிக்கப்பட்டிருந்த போதிலும், ஏனைய நால்வரும் உயிரிழந்துள்ளதாக அறிவிக்கப்பட்டுள்ளது. பொல்கஹவல பிரதேசத்தில் உள்ள பாடசாலை ஒன்றின் தரம் […]

ஸ்ரீலங்கா பொதுஜன பெரமுனவின் தேசிய அமைப்பாளராக நாமல் ராஜபக்ச நியமிக்கப்பட்டுள்ளார். அக்கட்சியின் நிறைவேற்று சபை கூட்டம் இன்று பிற்பகல் கொழும்பு விஜேராம மாவத்தையில் உள்ள முன்னாள் ஜனாதிபதி மஹிந்த ராஜபக்ஷவின் உத்தியோகபூர்வ இல்லத்தில் நடைபெற்றது. இந்த கூட்டத்தின் பின்னர் ஊடகங்களுக்கு கருத்து தெரிவித்த இராஜாங்க அமைச்சர் டி.வி.சானக்க, அங்கு இந்த தீர்மானம் எடுக்கப்பட்டதாக தெரிவித்தார். முன்னதாக, ஸ்ரீலங்கா பொதுஜன பெரமுனவின் தேசிய அமைப்பாளராக முன்னாள் அமைச்சர் பசில் ராஜபக்ச பதவி வகித்தமை குறிப்பிடத்தக்கது.

எதிர்வரும் செவ்வாய்கிழமை காலை 6.30 மணி முதல் வேலைநிறுத்தம் ஆரம்பிக்கப்படும் என சுகாதார தொழிற்சங்கங்களின் கூட்டமைப்பு தெரிவித்துள்ளது. சுகாதார தொழிற்சங்கங்களின் கூட்டமைப்பின் ஒருங்கிணைப்பாளர் ரவி குமுதேஷ் இன்று பிற்பகல் ஊடகங்களுக்கு கருத்து தெரிவிக்கும் போதே இவ்வாறு தெரிவித்தார். பொருளாதார நீதியை அடைவதற்கு சுகாதார சங்கங்கள் வழங்கிய கால அவகாசம் இன்றுடன் (27.03) நிறைவடைந்துள்ளது. அக்காலப்பகுதியில் தமது பிரச்சினைகளுக்கான தீர்வுகள் கிடைக்கவில்லை என சுகாதார தொழிற்சங்கங்களின் கூட்டமைப்பு தெரிவித்திருந்தமை குறிப்பிடத்தக்கது.

குவைத்தில் சட்டவிரோதமாக தங்கியிருப்பவர்கள் நாட்டை விட்டு வெளியேறுவதற்கான பொது மன்னிப்பை உள்துறை அமைச்சகம் அறிமுகப்படுத்தியுள்ளது. இந்த பொது மன்னிப்பு காலம் மார்ச் 17 ஆம் திகதி தொடங்கி ஜூன் 17 ஆம் தேதி வரை 3 மாதங்களுக்கு நீடிக்கும். குவைத்தில் 19,620 இலங்கையர்கள் செல்லுபடியான வீசா இன்றி சட்டவிரோதமாக தங்கியிருப்பதாக தூதரகம் தெரிவித்துள்ளது. இந்த காலப்பகுதியில் ஒருவர் நாட்டை விட்டு வெளியேறினால், அபராதம் விதிக்கப்படாமல் நாட்டை விட்டு வெளியேற அனுமதிக்கப்படுவார், மேலும் குவைத் மாநிலத்திற்குள் சட்டப்பூர்வமாக மீண்டும் […]