சீனாவில் ரூ.3.80 கோடி மதிப்புள்ள வீட்டை பழ வியாபாரிக்கு எழுதி வைத்த முதியவர்…!

முதியவர் ஒருவர் தனது ரூ.3.80 கோடி மதிப்புள்ள வீட்டை பழ வியாபாரிக்கு எழுதி வைத்த நிலையில், அவரது உறவினர்கள் இது தொடர்பாக தொடர்ந்த வழக்கில் நீதிமன்றமும் பழ வியாபாரிக்கு சாதகமாக தீர்ப்பளித்துள்ளது.

சீனாவில் ஷாங்காய் நகரில் வசித்து வந்த மா என்ற முதியவர் தனது வீட்டின் அருகே உள்ள லியூ என்ற பழ வியாபாரியை சில ஆண்டுகளுக்கு முன்பு சந்தித்து நட்பாக பழகி வந்துள்ளார். கடந்த சில ஆண்டுகளுக்கு முன், மா வின் மகன் உயிரிழந்துள்ளார். அதன்பின்னர், அவரை லியூதான் நல்லபடியாக பார்த்துக் கொண்டுள்ளார்.

முதியவருக்கு உறவினர்களும், சொந்தக்காரர்களும் இருந்த போதிலும் அவரை யாரும் கண்டுகொள்ளவில்லை. முதியவர் இறக்கும் வரையிலும் லியூ தான் மகன் போல கவனித்து வந்துள்ளார். இந்தநிலையில் கடந்த சில மாதங்களுக்கு முன் முதியவர் மா உயிரிழந்தார். அதன்பிறகு அவர் எழுதி வைத்திருந்த உயிலை பார்த்தபோது தான் உறவினர்களுக்கு அதிர்ச்சி ஏற்பட்டுள்ளது.

அதாவது மா, தனக்கு சொந்தமான ரூ. 3.80 கோடி மதிப்புள்ள வீட்டை லியூ பெயரில் எழுதி வைத்துள்ளார். இதனையடுத்து, பழ வியாபாரிக்கு எதிராக ஷாங்காய் நீதிமன்றத்தில் உறவினர்கள் வழக்கு தொடர்ந்தனர். அப்போது, மன நலம் பாதிக்கப்பட்டிருந்த நிலையில் முதியவரை ஏமாற்றி பழக்கடைக்காரர் சொத்தை அபகரித்துவிட்டதாக உறவினர்கள் குற்றம்சாட்டினர்.

ஆனால் 2020-ம் ஆண்டே முதியவர் தனது பெயருக்கு வீட்டை எழுதித்தந்துவிட்டதாக லியூ தெரிவித்து அதற்கான ஆதாரங்களையும் கொடுத்துள்ளார். அதை ஏற்றுக்கொண்ட வழக்கை விசாரித்த நீதிமன்றம், பழக்கடை வியாபாரி பக்கமே நியாயம் இருப்பதாக கூறி உறவினர்களின் வழக்கை தள்ளுபடி செய்தது.

தொடர்புடைய செய்திகள்:

ஜப்பானில் சுனாமி எச்சரிக்கையை தொடர்ந்து அவசரகால தொலைப்பேசி இலக்கம் அறிமுகம்! 3 மியான்மர் படை தளபதிகளுக்கு மரண தண்டனை ஒப்பந்தத்துடன் முடிவுக்கு வந்த சியோல் பேருந்து ஓட்டுநர்களின் வேலைநிறுத்தம இந்தோனேசியாவை சூழ்ந்த கருமேகங்கள் : எரிமலை வெடிப்பால் அச்சத்தில் மக்கள்!! ஆப்கானிஸ்தானில் 4.3 ரிக்டர் அளவில் ஏற்பட்ட மிதமான நிலநடுக்கம் பாதுகாப்புக்காக மகள் தலையில் சிசிடிவி கேமரா ; பாகிஸ்தானில் தந்தை ஒருவரின் விநோத செயல்!