படத்தின் ரிலீஸ் திகதி வெளியிடுதல் தொடர்பில் லோகேஷ் எடுத்துள்ள திடீர் முடிவு!

விஜய் நடிப்பில் லோகேஷ் கனகராஜ் இயக்கிய ’லியோ’ படம் கடந்த அக்டோபரில் வெளியானது. இந்தப் படத்திற்கு கலவையான விமர்சனம் வந்ததாலும் 600 கோடி ரூபாய்க்கு மேல் வசூல் செய்து இந்த ஆண்டின் சூப்பர் ஹிட் படங்கள் பட்டியலில் இடம்பெற்றது.

இதையடுத்து அடுத்ததாக ரஜினியை வைத்து ‘தலைவர் 171’ படத்தை லோகேஷ் கனகராஜ் இயக்குகிறார். இது தொடர்பாக பேட்டி ஒன்றில் பேசியிருக்கும் லோகேஷ், ”லியோ படம் சக்சஸ் கொடுத்திருந்தாலும் படத்தின் பின் பாதி சரியாக எடுக்கப்படவில்லை என்று பரவலாக விமர்சனங்கள் எழுந்தன. படத்தின் ரிலீஸ் திகதியை முன்கூட்டியே அறிவித்துவிட்டு படத்தை ஷூட் செய்வதால் சில நேரங்களில் இதுபோல ஆகிவிடுகிறது.

ரிலீஸ் திகதி நெருங்குகிறதே என்ற பதற்றத்தில் படத்தை அவசர அவசரமாக எடுப்பதே இதற்கு முக்கிய காரணம். ஆனால், எனது படங்களில் இனிமேல் அப்படி நடக்காது. ஏனென்றால் இனிமேல் நான் ரிலீஸ் திகதியை முன்கூட்டியே அறிவிக்கப் போவதில்லை. ரஜினியின் ‘தலைவர் 171’ படத்தை அப்படித்தான் நிதானமாக இயக்கப் போகிறேன்” என்று தெரிவித்துள்ளார்.

தொடர்புடைய செய்திகள்:

இந்த ஜென்மத்தில் சிவகார்த்திகேயனுடன் சேரமாட்டேன்… சொன்னால் வெட்கக்கேடு… இமான் திடீர் அறிவிப்பு லியோ படத்தை இலங்கையில் நிறுத்துங்கள்… தமிழ் அரசியல்வாதிகள் விஜய்க்கு கடிதம்?? ஒட்டுமொத்த இணையவாசிகளுக்கும் கவர்ச்சி விருந்து போட்ட திஷா பதானி…. ஹாட் ஹாட் போட்டோ சூட் 100 கோடி மோசடி; பிரகாஷ் ராஜுக்கு அமலாக்கத்துறை சம்மன்