8வது முறையாகவும் பலோன் டி’ஓர் விருதை தன் வசமாக்கிய லயனல் மெஸ்ஸி

கால்பந்து ஜாம்பவான் லயனல் மெஸ்ஸி பலோன் டி’ஓர் விருதை எட்டாவது முறையாக பெற்று அசத்தியுள்ளார்.

கால்பந்து உலகின் மிக உயரிய விருதான பலோன் டி ‘ஓர் விருதை ஃபிஃபா ஆண்டுதோறும் சிறந்த வீரர் மற்றும் வீராங்கனைக்கு வழங்கி வருகிறது. இந்த விருதானது 1956ம் ஆண்டு முதல் வழங்கப்படுகிறது. இவ்விருதினை அர்ஜென்டினா அணியின் நட்சத்திர வீரர் மெஸ்ஸி ஏற்கெனவே 7 முறை பெற்றிருந்தார்.

இந்நிலையில் இந்த ஆண்டுக்கான விருது 30 ஆண்கள், 30 பெண்கள் என 60 வீரர், வீராங்கனைகளுக்கு பரிந்துரைக்கப்பட்டது. அவர்களில், நட்சத்திர வீரர் லயனல் மெஸ்ஸி 8வது முறையாக பலோன் டி’ஓர் விருதை வென்று சாதனைப் படைத்துள்ளார்.

கடந்த உலகக் கோப்பை கால்பந்து போட்டியில் அர்ஜென்டினா சாம்பியன் பட்டம் வென்றது. கோப்பை வெல்ல முக்கிய பங்கு வகித்த மெஸ்ஸி, தொடரில் ஏழு கோல்கள் அடித்துடன் நான்கு ஆட்ட நாயகன் விருதுகளையும் வென்று அசத்தினார்.

முன்னதாக அதிகமுறை இந்த விருதுக்கு பரிந்துரைக்கப்பட்டவர் என்ற சாதனையை படைத்திருந்த மெஸ்ஸி, தற்போது அதிகமுறை வென்றவர் என்ற சாதனையையும் படைத்துள்ளார். விருத்துக்கான போட்டி பட்டியலில் எம்பாப்பே, எர்லிங் ஹாலண்ட் ஆகியோரும் இடம்பெற்றிருந்தனர்.

மெஸ்ஸி 2009-ல் தனது முதல் பலோன் டி’ஓர் விருதை வென்றார். அதைத் தொடர்ந்து 2010, 2011, 2012, 2015, 2019, 2021ம் ஆண்டுகளில் வென்று அசத்தியிருந்தார். இந்நிலையில் தற்போது இந்த ஆண்டும் விருதை வென்று அசத்தியுள்ளார்.பெண்களுக்கான பலோன் டி’ஓர் விருது மகளிர் உலகக் கோப்பை வென்ற ஸ்பெயின் நட்சத்திர வீராங்கனை அடானா பொன்மதிக்கு வழங்கப்பட்டுள்ளது.

தொடர்புடைய செய்திகள்:

பறிபோன சும்பன் கில் இடம்! தட்டிப்பறித்த வேறொரு வீரர்! துணைக் காவல் கண்காணிப்பாளராக இந்திய கிரிக்கெட் வீராங்கனை நியமனம் IPL Match 17 – பஞ்சாப் அணிக்கு 200 ஓட்டங்கள் இலக்கு ஏமாற்றத்தால் மனம் உடைந்த ரிங்கு சிங் குடும்பத்தினர்..! இந்தியாவை பின்னுக்கு தள்ளிய ஆஸ்திரேலியா – மீண்டும் முதலிடம் இறுதி டெஸ்ட் போட்டிக்கான இலங்கை அணி அறிவிப்பு