கையும் களவுமாக சிக்கியவுடன் லஞ்சப் பணத்தை விழுங்கிய அதிகாரி!(வீடியோ)

லஞ்சப் பணத்தை விழுங்கிய அதிகாரி ஒருவர் கையும் களவுமாக சிக்கிய வீடியோ ஒன்று சமூக வலைதளங்களில் பரவி வருகிறது.

இந்திய மாநிலம் மத்தியப்பிரதேசத்தில் உள்ள கட்னி பகுதியைச் சேர்ந்தவர் சந்தன் சிங் லோதி. இவர், நில வழக்கு தொடர்பாக அப்பகுதியில் உள்ள வருவாய் துறை அலுவலகத்திற்கு சென்றுள்ளார். அங்கு, வருவாய் துறை அதிகாரியான கஜேந்திர சிங் 5,000 ரூபாயை லஞ்சமாக கேட்டுள்ளார்.

உடனே ஜபல்பூர் லோக்ஆயுக்தா சிறப்பு காவல்துறையிடம் சந்தன் சிங் லோதி புகார் அளித்துள்ளார். பின்பு, ஜபல்பூர் லோக்ஆயுக்தா சிறப்பு காவல்துறை அதிகாரிகள் சந்தன் சிங் லோதியிடம், அவர் கேட்ட பணத்தை கொடுங்கள் என்று கூறினர்.

இதனையடுத்து, கஜேந்திர சிங்கின் தனி அலுவலகத்தில் வைத்து சந்தன் சிங் லோதி லஞ்ச பணத்தைக் கொடுத்துள்ளார். அப்போது, மறைந்திருந்த ஜபல்பூர் லோக்ஆயுக்தா அதிகாரிகளை கஜேந்திர சிங் பார்த்துள்ளார்.பின்னர், வருவாய்த்துறை அதிகாரி தான் பெற்ற லஞ்ச பணத்தை மறைக்க வாயில் போட்டு விழுங்கினார்.

கஜேந்திர சிங்கின் தனி அலுவலகத்தில் லஞ்சம் வாங்கும் போது கையும் களவுமாக அதிகாரிகள் அவரை கைது செய்தனர். பின்பு, அவரை மாவட்ட மருத்துவமனைக்கு அழைத்துச் சென்றனர்.அங்கு பல முயற்சிகளுக்குப் பிறகு, லஞ்சத் தாள்கள் அவரது வாயிலிருந்து கூழ் வடிவில் எடுக்கப்பட்டன. மேலும், அவர் மீது வழக்குப்பதிவு செய்து கைது பொலிசார் செய்தனர்.

இதனை மருத்துவமனையில் இருந்தவர்கள் வீடியோவாக எடுக்க, தற்போது வைரலாகி வருகிறது

தொடர்புடைய செய்திகள்:

கர்நாடாகாவில் அதிர்ச்சி…பூட்டிய வீட்டுக்குள் 2 குழந்தைகளுடன் மர்ம்மான முறையில் இறந்து கிடந்த தாய்!! குரங்கு காய்ச்சல்: சுகாதாரத்துறை விடுத்துள்ள அறிவுறுத்தல் தமிழக மக்களை வாழவைக்காமல் இந்திய மக்களை வாழவைக்க ஸ்டாலின் புறப்பட்டு விட்டார் – சீமான்! கர்நாடகாவில் காதலை நிராகரித்த 21 வயது பெண் கத்தியால் குத்தி கொலை அயோத்தி ராமர் கோவில் கட்டுமான வடிவமைப்பில் ஏற்பட்ட சிக்கல்: அர்ச்சகர்கள் புகார் கர்ப்பிணி பெண்ணை நிர்வாணமாக்கி இழுத்து சென்ற அதிர்ச்சி சம்பவம்