ஹோர்முஸ் பதற்றம் – ஜெட் எரிபொருள் நெருக்கடி அபாயம் என ஐரோப்பிய ஒன்றியம் எச்சரிக்கை

ஹோர்முஸில் தொடரும் பதற்றம் காரணமாக, வரும் வாரங்களில் ஜெட் எரிபொருள் பற்றாக்குறை ஏற்படும் அபாயம் இருப்பதாக ஐரோப்பிய ஒன்றியம் எச்சரித்துள்ளது.

ஹோர்முஸ் நீரிணையில் கப்பல் போக்குவரத்து இடையூறுகள் நீடித்தால், ஐரோப்பிய ஒன்றியத்தில் ஜெட் எரிபொருள் சந்தை மேலும் கடுமையாக பாதிக்கப்படும் என்று ஐரோப்பிய ஆணையத்தின் எரிசக்தித் துறை தெரிவித்துள்ளது.

கச்சா எண்ணெய் மற்றும் பிற பெட்ரோலியப் பொருட்களின் விலை ஏற்றத் தாழ்வுகள் அனைத்து ஐரோப்பிய ஒன்றிய நாடுகளையும் பாதித்துள்ளன. இருப்பினும், தற்போது வரை பொதுமக்கள் பயன்பாட்டில் நேரடி எரிபொருள் விநியோகத் தடை ஏற்படவில்லை என அதிகாரிகள் கூறியுள்ளனர்.

ஆனால், அடுத்த சில வாரங்களிலும் நிலைமை சீராகாத பட்சத்தில், குறிப்பாக விமானப் போக்குவரத்துக்குத் தேவையான ஜெட் எரிபொருள் சந்தையில் கடும் நெருக்கடி உருவாகும் அபாயம் இருப்பதாக ஐரோப்பிய ஒன்றியம் எச்சரித்துள்ளது.