தெற்கு லெபனானில் இஸ்ரேல் ஊழித்தாண்டவம்!

தெற்கு லெபனானில் இஸ்ரேலிய இராணுவம் மேற்கொண்டு வரும் தீவிரமான வான்வழித் தாக்குதல்களால் மனிதாபிமான நெருக்கடி ஏற்பட்டுள்ளது.

ஹிஸ்புல்லா அமைப்பின் உள்கட்டமைப்புகளை இலக்கு வைத்து நடத்தப்படும் இந்தத் தாக்குதல்களால் Tyre போன்ற முக்கிய நகரங்களில் பெரும் சேதங்கள் ஏற்பட்டுள்ளன.

இந்நிலையில் பொதுமக்கள் பாதுகாப்பான இடங்களைத் தேடி வெளியேறுமாறு இஸ்ரேல் எச்சரித்துள்ளது.

தெற்கு லெபனானில் எல்லையோரப் பகுதிகளில் இரு தரப்பினரும் போர்நிறுத்த ஒப்பந்தத்தை மீறியதாகக் குற்றம் சாட்டும் வேளையில், அங்குள்ள குடியிருப்பாளர்கள் மற்றும் மீட்புக் குழுவினர் மிகுந்த அச்சத்தில் உள்ளனர்.

உயிரிழப்புகள் அதிகரித்து வரும் நிலையில், இந்தத் தொடர் மோதல்கள் லெபனானின் தெற்குப் பகுதியில் ஒரு ஆபத்தான சூழலை உருவாக்கியுள்ளதாக சர்வதேச அமைப்புகள் கவலை தெரிவித்துள்ளன.

இக்கட்டான இந்தச் சூழலில் ஆயிரக்கணக்கான மக்கள் தங்களின் இருப்பிடங்களை விட்டு வெளியேறி, அடிப்படை வசதிகளின்றித் தவிக்கும் நிலை காணப்படுகின்றது.