அமைதி பேச்சுவார்த்தையை புறக்கணிக்கிறாரா ட்ரம்ப்? தூதுவர்களுக்கு உத்தரவு!

மத்திய கிழக்கில் தொடரும் மோதல்களைத் தீர்ப்பது குறித்த பேச்சுவார்த்தைகளுக்காக பாகிஸ்தானுக்குப் பயணம் செய்ய வேண்டாம் என்று ஸ்டீவ் விட்காஃப் (Steve Witkoff ) மற்றும் ஜாரெட் குஷ்னருக்கு (Jared Kushner) அமெரிக்க ஜனாதிபதி டொனால்ட் ட்ரம்ப் அறிவுறுத்தியுள்ளதாக வெளிநாட்டு ஊடகங்கள் தெரிவிக்கின்றன.

அமைதிப் பேச்சுவார்த்தைகளுக்காக அவர்கள் இன்று (25) பாகிஸ்தானுக்குப் பயணம் செய்யத் திட்டமிட்டுள்ளதாக ஊடக அறிக்கைகள் தெரிவித்துள்ளன.

இருப்பினும், இந்தப் பயணத்தை மேற்கொள்ள வேண்டாம் என்று அமெரிக்க ஜனாதிபதி தனது பிரதிநிதிகளிடம் கூறியுள்ளார்.

எந்தவொரு விவாதத்தையும் தவிர்ப்பதற்காக 18 மணி நேர விமானப் பயணம் தேவையற்றது என்று அவர்களிடம் கூறியதாக டொனால்ட் ட்ரம்ப் ஃபாக்ஸ் நியூஸிடம் தெரிவித்துள்ளார்.

இதேவேளை ஈரானிய வெளியுறவு அமைச்சரும் அவரது குழுவினரும் நேற்று (24) பாகிஸ்தானுக்குச் சென்றனர், அங்கு அமெரிக்காவுடன் ஒரு சுற்றுப் பேச்சுவார்த்தைக்குத் தங்கள் தரப்பு தயாராக இல்லை என்று அமைச்சர் கூறினார்.