இராணுவம் மற்றும் அரசியல் என இரு முனைகளிலும் கடும் அழுத்தத்தில் இஸ்ரேல்

இஸ்ரேல் பிரதமர் தனது இராணுவ நடவடிக்கைகளை குறைக்கவும், பெய்ரூட் மீதான தாக்குதலை நிறுத்தவும், லெபனான் அரசாங்கத்துடன் பேச்சுவார்த்தை நடத்தவும் அமெரிக்க ஜனாதிபதி டொனால் ட்ரம்ப் மூலம் அழுத்தத்தை எதிர்கொண்டுள்ளதாக தகவல்கள் வெளியாகியுள்ளன.

இதனிடையே, லெபனான் அரசாங்கம் இந்த நெருக்கடியை ஈரான் மூலம் அல்லாமல் நேரடியாக இஸ்ரேலுடன் பேசித் தீர்க்க வேண்டுமென விரும்பியதால், ஒரு இஸ்ரேலிய பிரதிநிதியுடன் நேரடி பேச்சுவார்த்தைக்கு தயாராகியுள்ளது.

ஆரம்ப கட்ட சந்திப்பில் முக்கியமான தீர்வுகள் எதுவும் எதிர்பார்க்கப்படவில்லை எனவும், இரு தரப்பும் மிக வேறுபட்ட நிலைப்பாடுகளில் உள்ளதாகவும் தகவல்கள் தெரிவிக்கின்றன.

இதேவேளை, உள்நாட்டு அரசியலில் இஸ்ரேல் பிரதமர் பெஞ்சமின் நெதன்யாகு (Benjamin Netanyahu) மக்கள் ஆதரவில் பின்னடைவு சந்தித்து வருகிறார்.

கருத்துக் கணிப்புகளின்படி, முன்னாள் பிரதமர் நஃப்தாலி பென்னட் (Naftali Bennett) அவரது லிகுட் கட்சியை விட அதிக இடங்களை பெறக்கூடும் என கூறப்படுகிறது.

இதனால், இராணுவ மற்றும் அரசியல் இரு முனைகளிலும் இஸ்ரேல் கடும் அழுத்தத்தில் இருப்பதாக அரசியல் வட்டாரங்கள் தெரிவிக்கின்றன.