ஈரான் பெரும் தோல்வியை சந்தித்து வருகிறது -பேச்சுவார்த்தைகளுக்கு மத்தியில் ட்ரம்ப் குற்றச்சாட்டு

இஸ்லாமாபாத்தில் அமைதிப் பேச்சுவார்த்தைகள் தொடங்கியுள்ள நிலையில்,
அமெரிக்க ஜனாதிபதி டொனால்ட் ட்ரம்ப் ஈரான் குறித்து கடுமையான கருத்துக்களை வெளியிட்டுள்ளார்.

ட்ரூத் சோஷியல் தளத்தில் வெளியிட்ட பதிவில், ஈரான் இந்த மோதலில் “பெரும் தோல்வியை சந்தித்து வருகிறது” என்றும், சில ஊடகங்கள் தவறான படிமத்தை உருவாக்குகின்றன என்றும் அவர் குற்றம் சுமத்தினார்.

மேலும், ஈரானின் கடற்படை, விமானப்படை மற்றும் பாதுகாப்பு அமைப்புகள் கடுமையாக பாதிக்கப்பட்டுள்ளதாகவும், ஏவுகணை மற்றும் ட்ரோன் திறன்கள் குறைக்கப்பட்டுள்ளதாகவும் அவர் தெரிவித்தார்.

இதனுடன், ஹார்முஸ் நீரிணையில் பாதுகாப்பு நடவடிக்கைகள் மேற்கொள்ளப்பட்டு வருவதாகவும், உலகளாவிய கடல் போக்குவரத்திற்காக அமெரிக்கா அந்தப் பகுதியை சுத்தப்படுத்தி வருவதாகவும் அவர் கூறினார்.

இந்த கருத்துக்கள், நடைபெற்று வரும் பேச்சுவார்த்தைகளின் மத்தியில் பதற்றத்தை அதிகரிக்கும் வகையில் பார்க்கப்படுகின்றன.