வாழ்வா, சாவா? இலங்கை, நியூசிலாந்து இன்று மோதல்!

T-20 உலகக்கிண்ண தொடரில் சூப்பர் 8 சுற்றில் இலங்கை Sri Lanka மற்றும் நியூசிலாந்து New Zealand அணிகளுக்கிடையிலான மிக முக்கிய போட்டி இன்று (25) நடைபெறுகின்றது.

கொழும்பு ஆர்.பிரேமதாச Colombo (RPS) மைதானத்தில் இலங்கை நேரப்படி இரவு 7 மணிக்கு போட்டி ஆரம்பமாகும்.

அரையிறுதி சுற்றுக்குரிய வாய்ப்பை தக்க வைத்துக்கொள்வதற்கு இரு அணிகளுக்குமே இப்போட்டியில் வெற்றி முக்கியத்துவம் பெறுகின்றது.

எனவே, வெற்றியை இலக்காகக் கொண்டு இரு அணிகளும் தீவிர முனைப்பு காட்டக்கூடும்.

சூப்பர் 8 சுற்றில் முதல் ஆட்டத்தில் இங்கிலாத்திடம் இலங்கை அணி தோல்வி அடைந்தது.

எனவே, இன்றைய போட்டியில் வெற்றிபெற தவறும்பட்சத்தில் உலகக்கிண்ண தொடரில் இருந்து இலங்கை அணி வெளியேறும்.

இன்று நடைபெறும் போட்டி மற்றும் அடுத்து நடைபெறவுள்ள பாகிஸ்தான் அணியுடனான ஆட்டத்தில் வெற்றிபெறும் பட்சத்தில் இலங்கை அணி அரையிறுதி சுற்றுக்கு முன்னேறும்.