மியூனிக் பாதுகாப்பு மாநாடு : ஐரோப்பாவுக்கு அமெரிக்காவின் நம்பிக்கை செய்தி

வொஷிங்டனும் ஐரோப்பாவும் ஒன்றிணைந்தவை என அமெரிக்க வெளியுறவுத்துறை செயலாளர் மார்கோ ரூபியோ (Marco Rubio)
தெரிவித்துள்ளார்.

ஜெர்மனியில் இடம்பெறும் மியூனிக் (Munich) பாதுகாப்பு மாநாட்டில் ஐரோப்பிய தலைவர்களிடம் உரையாற்றிய போதே அவர் இதனைக் கூறியுள்ளார்.

“ஐரோப்பா வலுவாக இருக்க வேண்டும்” என்றும் அவர் இதன்போது வலியுறுத்தினார்.

மேலும், ட்ரம்ப் (Donald Trump) தலைமையிலான அமெரிக்கா உலகளாவிய “புதுப்பித்தல் மற்றும் மறுசீரமைப்பை” முன்னெடுக்க விரும்புகிறது என்றும் மார்கோ ரூபியோ (Marco Rubio) கூறியுள்ளார்.

இருப்பினும், இடம்பெயர்வு (migration) குறித்து அவர் ஐரோப்பாவை விமர்சித்தார்.

வெகுஜன இடம்பெயர்வு “நாகரிக அழிவுக்கு” வழிவகுக்கும் என்றும், மேற்கத்திய நாடுகளை ஸ்திரமின்மைக்கு தள்ளக்கூடும் என்றும் எச்சரித்தார்.

இதேவேளை “வலுவான நேட்டோவில் வலுவான ஐரோப்பா தான் அட்லாண்டிக் கடல்கடந்த உறவை வலுப்படுத்தும்” என நேட்டோ (NATO) தலைவர் மார்க் ருட்டே (Mark Rutte), கூறினார்.