பற்றி எரியும் ஆஸ்திரேலியா!

ஆஸ்திரேலியாவில் பல வருடங்களுக்கு பிறகு கடும் வெப்ப அலை உருவாகியுள்ளது. இதனால் நியூ சவுத் வேல்ஸ் உள்ளிட்ட மாநிலங்களில் காட்டுத் தீ வேகமாக பரவிவருகின்றது.

விக்டோரியாவில் நாளை (9) கடும் வெப்பம் நிலவும் என்பதால் காட்டுத் தீ பேரழிவை ஏற்படுத்தும் என எச்சரிக்கை விடுக்கப்பட்டுள்ளது.

தெற்கு ஆஸ்திரேலியா, விக்டோரியா மற்றும் டாஸ்மேனியாவின் சில பகுதிகளிலும் காட்டுத் தீ வேகமாக பரவிவருகின்றது.

ஆஸ்திரேலியாவில் 2019-20 இல் ஏற்பட்ட கோடைக்கால காட்டுத் தீயில் 30 இற்கு மேற்பட்டோர் பலியாகினர். பெருமளவான நிலப்பரப்பு எரிந்து நாசமாகியது.

தற்போது ஏற்பட்டுள்ள நிலை இதைவிட மோசமாக இருக்கும் என எச்சரிக்கப்பட்டுள்ளது.

விக்டோரியாவில் ஏற்பட்டுள்ள காட்டுத் தீயால் பல ஏக்கர் எரிந்து நாசமாகியுள்ளது. பல குடும்பங்கள் பாதுகாப்பான இடங்களுக்கு வெளியேற்றப்பட்டுள்ளன என்பது குறிப்பிடத்தக்கது.