அக்குரஸ்ஸ – வெலிகம பிரதான வீதியில் இடம்பெற்ற கோர விபத்து – 09 பேர் காயம்!

அக்குரஸ்ஸ – வெலிகம பிரதான வீதியின் உடுகாவ பிரதேசத்தில் இரண்டு பேருந்துகள் மோதி விபத்துக்குள்ளானதில் 9 பேர் காயமடைந்துள்ளதாக பொலிஸார் தெரிவித்துள்ளனர்.

குறித்த விபத்து நேற்று (05) இடம்பெற்றுள்ளது. விபத்தில் காயமடைந்தவர்களில் இருவரின் நிலைமை கவலைக்கிடமாக உள்ளதாக கூறப்படுகிறது.

கொழும்பிலிருந்து அக்குரஸ்ஸ நோக்கிச் சென்ற இலங்கை போக்குவரத்துச் சபைக்குச் சொந்தமான பேருந்து  ஒன்றும் மாத்தறையிலிருந்து வெலிபிட்டிய நோக்கிச் சென்ற தனியார் பேருந்து ஒன்றுமே விபத்துக்குள்ளாகியுள்ளது.

விபத்துக்கான காரணம் குறித்து பொலிஸார் தீவிர விசாரணைகளை முன்னெடுத்து வருகின்றனர்.