கிரேக்கத்தில் தொடர்சியாக பதிவாகிவரும் நிலநடுக்கம் : பழமையான மடங்கள் சேதம்!

வடக்கு கிரேக்கத்தில் உள்ள ஒரு ஒதுக்குப்புறமான துறவியர் சமூகத்தில் தொடர்ச்சியான நிலநடுக்கங்களால் பல நூற்றாண்டுகள் பழமையான மடங்கள் சேதமடைந்துள்ளதாக அதிகாரிகள் தெரிவித்துள்ளனர்.

ஜூன் 7 ஆம் திகதி மவுண்ட் அதோஸ் தீபகற்பத்தில் 5.3 ரிக்டர் அளவிலான நிலநடுக்கம் ஏற்பட்டது, அதைத் தொடர்ந்து வெள்ளிக்கிழமை வரை கடலுக்கு அடியிலும் நிலத்திலும் தொடர்ச்சியான நிலநடுக்கங்கள் பதிவாகியுள்ளன.

இந்த நிலநடுக்கங்களால் 10 ஆம் நூற்றாண்டின் பிற்பகுதியில் கட்டப்பட்ட ஜெனோபோன் மடாலயத்தின் குவிமாடத்தில் “கடுமையான விரிசல்கள் ஏற்பட்டுள்ளன.

மேலும் அந்த இடத்தில் உள்ள மத ஓவியங்கள் மற்றும் பலவற்றை சேதப்படுத்தியதாக கலாச்சார அமைச்சகம் தெரிவித்துள்ளது.

மவுண்ட் அதோஸ் ஆர்த்தடாக்ஸ் கிறிஸ்தவர்களுக்கு மிக முக்கியமான மதத் தலங்களில் ஒன்றாகும், மேலும் இது பெரும்பாலும் புனித மலை என்று குறிப்பிடப்படுகிறது.