மனைவிக்கு இன்ப அதிர்ச்சி கொடுத்த அமரன்… வைரலாகும் வீடியோ…

தமிழ் சினிமாவில் முன்னணி ஹீரோவாக இருப்பவர் சிவகார்த்திகேயன். இவர் நடிப்பில் தற்போது அமரன் திரைப்படம் வெளியாகி சக்கை போடு போட்டு வருகின்றது.

இதுவரை 250 கோடிக்கும் மேல் வசூலித்ததாக கூறப்படுகின்றது.

சாய் பல்லவி கதாநாயகியாக நடிக்க ஜி.வி. பிரகாஷ் இசையமைத்துள்ளார். மறைந்த இராணுவ வீரர் மேஜர் முகுந்த் வரதராஜனின் வாழ்க்கையை மையமாக வைத்து இந்த படத்தை எடுத்துள்ளனர்.

அமரன் படத்தை முடித்துவிட்டு தற்போது SK 23 படத்தில் நடித்து வருகிறார். ஏ.ஆர். முருகதாஸ் இப்படத்தை இயக்குகிறார். இதன்பின் இயக்குனர்கள் சிபி சக்ரவத்தி, சுதா கொங்கரா, வெங்கட் பிரபு என மூன்று இயக்குனர்கள் படத்தில் அடுத்தடுத்து நடிக்க உள்ளதாக கூறப்படுகிறது.

தொலைக்காட்சியில் பணியாற்றி இருந்தபோது சிவகார்த்திகேயன் அவருடைய மாமன் மகளான ஆர்த்தியை திருமணம் செய்து கொண்டார். இந்த தம்பதிக்கு தற்போது மூன்று பிள்ளைகள் உள்ளனர்.

இந்நிலையில், சிவகார்த்திகேயன் மனைவி ஆர்த்திக்கு இன்று பிறந்தநாள்.

இதையடுத்து அவருக்கு வாழ்த்து தெரிவிக்கும் வகையில், அமரன் பட சூட்டிங் இராணுவ ஆடையுடன் சென்று சர்ப்ரைஸ் கொடுத்த வீடியோவை பகிர்ந்து வாழ்த்து தெரிவித்துள்ளார்.