வரலாறு காணாத மழை: ஸ்பெயின் வெள்ளத்தில் உயிரிழந்தவர்கள் எண்ணிக்கை அதிகரிப்பு!

ஸ்பெயினில் வரலாறு காணாத அளவில் ஏற்பட்ட பெருவெள்ளத்தின் காரணமாக ஸ்பெயினில் உயிரிழந்தவர்களின் எண்ணிக்கை 223 ஆக அதிகரித்துள்ளதாக அந்நாட்டு போக்குவரத்து துறை மந்திரி ஆஸ்கார் புவென்ட்டே தெரிவித்துள்ளார்.

இதில் வேலன்சியா நகரத்தில் 215 பேரும், காஸ்டில்-லே மாஞ்சா பகுதியில் 7 பேரும், அந்தலூசியா நகரில் ஒருவரும் உயிரிழந்துள்ளனர்.

உயிரிழந்தவர்களில் 48 பேர் இன்னும் அடையாளம் காணப்படவில்லை என தெரிவிக்கப்பட்டுள்ளது.

மேலும் காணாமல் போன 78 பேரை தேடும் பணிகள் தொடர்ந்து நடைபெற்று வருகின்றன.

ஸ்பெயில் உள்ள போரியோடேலா டோரெ மற்றும் வேலன்சியா உள்ளிட்ட நகரங்களில் கடும் வெள்ளப்பெருக்கு ஏற்பட்டது. சுமார் 5 ஆயிரம் வீடுகள் தண்ணீரில் மூழ்கின. கார்கள் வெள்ளத்தில் அடித்துச் செல்லப்பட்டன.

ஸ்பெயின் நாட்டு மக்களின் வாழ்வாதாரத்தை புரட்டிப்போட்ட இந்த வெள்ள பாதிப்பு காரணமாக, நாடு முழுவதும் 3 நாட்கள் துக்கம் அனுசரிக்கப்பட்டது.

தொடர்புடைய செய்திகள்:

லண்டனில் டிராகன் திருநாளை வரவேற்க ஒன்றுதிரண்ட மக்கள் லண்டன் மற்றும் வொஷிங்டனுக்கு இடையில் கையெழுத்தாகவுள்ள முக்கிய ஒப்பந்தம்! மாஸ்கோ தாக்குதல்: ரஷ்ய இராணுவ ஆட்சேர்ப்பில் முன்னேற்றம் பாரிஸ் ஒலிம்பிக்கை மோசமான முறையில் குறிவைக்கும் ரஷ்யா! மக்ரோன் கடும் எச்சரிக்கை இலங்கையில் பாடசாலை கல்விக்கு இடையூறு ஏற்படுத்துபவர்களுக்கு ஜனாதிபதி எச்சரிக்கை! புவிசார் அரசியல் பதட்டங்களுக்கு மத்தியில் அணுவாயுத பயிற்சியை ஆரம்பித்துள்ள ரஷ்யா!