ஈரான் உயர்மட்ட அணு விஞ்ஞானி கொல்லப்பட்ட வழக்கில் மூவருக்கு மரண தண்டனை
இஸ்ரேலுக்காக உளவு பார்த்தமை மற்றும் உயர்மட்ட அணு விஞ்ஞானி ஒருவரைக் கொன்ற வழக்கில் மூன்று பேருக்கு மரண தண்டனை விதிக்கப்பட்டுள்ளதாக ஈரானின் நீதித்துறை தெரிவித்துள்ளது.
நவம்பர் 2020 இல் தலைநகருக்கு வெளியே ஒரு நெடுஞ்சாலையில் விஞ்ஞானி மொஹ்சென் ஃபக்ரிசாதே கொல்லப்பட்டார்.
“பூர்வாங்க சட்ட நடவடிக்கைகள் உர்மியாவில் நடந்தன, அங்கு இந்த நபர்கள் மரணதண்டனை விதிக்கப்பட்டனர்; இந்த வழக்கு தற்போது மேல்முறையீட்டு நடைமுறையில் உள்ளது,” என்று ஈரானிய நீதித்துறையின் செய்தித் தொடர்பாளர் அஸ்கர் ஜஹாங்கீர் தெரிவித்தார்.
“சில விசாரணைகளுக்குப் பிறகு, மேற்கு அஜர்பைஜான் மாகாணத்தில் கைது செய்யப்பட்ட எட்டு பேரில் மூன்று பேர், இஸ்ரேலின் ஆக்கிரமிப்பு ஆட்சிக்காக உளவு பார்த்ததாக குற்றம் சாட்டப்பட்டனர்” என்று ஜஹாங்கீர் குறிப்பிட்டார்.
மேலும், மூவர் மீதும் “மதுபானங்களை கடத்துவது என்ற போர்வையில் தியாகி ஃபக்ரிசாதேவை படுகொலை செய்வதற்கான உபகரணங்களை ஈரானுக்குள் கொண்டு சென்றதாக குற்றம் சாட்டப்பட்டுள்ளது” என்றும் அவர் தெரிவித்தார்.
(Visited 20 times, 1 visits today)
