கோவிலில் மன்னிப்பு கேளுங்கள் அல்லது 5 கோடி செலுத்துங்கள் : சல்மான் கானுக்கு புதிய மிரட்டல்

இந்தி நடிகர் சல்மான் கானுக்கு பிரபல ரவுடி லாரன்ஸ் பிஷ்னோய் கும்பல் ஏற்கனவே பல முறை கொலை மிரட்டல் விடுத்து இருந்தது.

இந்த கும்பல்தான் அவரை கொல்லும் நோக்கில் அவரது வீட்டில் துப்பாக்கி சூடு நடத்தி இருந்தது.

இதற்கிடையே சல்மான் கானுக்கு மிகவும் நெருக்கமானவரும், மகாராஷ்டிர முன்னாள் மந்திரியுமான பாபா சித்திக் சுட்டுக் கொல்லப்பட்டார்.

லாரன்ஸ் பிஷ்னோய் கும்பல்தான் இதற்கு பொறுப்பேற்றுக்கொண்டது.

அதை தொடர்ந்து சல்மான்கானிடம் ரூ.2 கோடி கேட்டு சமீபத்தில் கொலை மிரட்டல் விடுக்கப்பட்டது. இது தொடர்பாக பாந்த்ராவை சேர்ந்த ஆசம் முகமது முஸ்தான் கைது செய்யப்பட்டார்.

இந்த நிலையில் நடிகர் சல்மான்கானுக்கு மீண்டும் கொலை மிரட்டல் விடுக்கப்பட்டுள்ளது. சல்மான்கான் உயிருடன் இருக்க விரும்பினால் அவர் எங்கள் பிஷ்னோய் சமூகத்தினர் கோவிலுக்கு சென்று பொது மன்னிப்பு கேட்க வேண்டும் அல்லது 5 கோடி கொடுக்க வேண்டும்.

அப்படி செய்யாவிட்டால் அவரை கொன்று விடுவோம் என்று மிரட்டல் விடுக்கப்பட்டது. மும்பை போக்குவரத்து போலீசாரின் ஹெல்ப்லைனில் நள்ளிரவில் கொலை மிரட்டல் அழைப்பு வந்ததாக போலீஸ் அதிகாரி ஒருவர் தெரிவித்தார்.

மிரட்டல் விடுத்தவன் பாபா சித்திக் கொலையில் தொடர்புடைய பிஷ்னோயின் சகோதரர் என்று கூறியதாகவும் அவர் தெரிவித்தார்.

தொடர்புடைய செய்திகள்:

காணாமல் போன இரண்டு வயது சிறுமி!! நீடிக்கும் மர்மம் உத்தரபிரதேசத்தில் 11 வயது சிறுமியை கூட்டு பலாத்காரம் செய்த 3 சிறுவர்கள் பெங்களூருவில் 133 ஆண்டுகால சாதனை முறியடிப்பு டெல்லி விமான நிலையத்தில் தங்கம் கடத்திய 2 சீனர்கள் உட்பட நால்வர் கைது அமெரிக்காவில் உயிரிழந்த தெலுங்கானா நபர் – கோரிக்கை விடுத்த குடும்பத்தினர் பெங்களூரு கொலை வழக்கு – முக்கிய குற்றவாளி ஒடிசாவில் தற்கொலை