இலங்கைக்கு வாகனங்கள் கொள்வனவு செய்ய காத்திருந்தவர்களுக்கு ஏமாற்றம்

இலங்கைக்கு வாகனங்களை இறக்குமதி செய்வதற்கான அனுமதி வழங்குவது பிற்போடப்படவுள்ளதாக தகவல்கள் தெரிவிக்கின்றன.

கோவிட் நெருக்கடியுடன், வாகனங்களின் இறக்குமதி மார்ச் 2020 இல் நிறுத்தப்பட்டது, அந்த நேரத்தில், வாகன இறக்குமதிக்காக ஆண்டுக்கு சுமார் 1100 டொலர்கள் செலவிடப்பட்டதாகக் கூறப்படுகிறது.

ஆனால் அதன் மூலம் நாட்டுக்கு சுமார் 250 பில்லியன் ரூபா வரி வருமானம் கிடைத்துள்ளதுடன் நாட்டின் டொலர் கையிருப்பை பாதுகாக்க வாகன இறக்குமதியை நிறுத்திய போது வரி வருமானமும் இழந்துள்ளதாக தெரிவிக்கப்படுகின்றது.

அப்போது ஒரு டொலரின் மதிப்பு சுமார் 200 ரூபாய், ஆனால் இன்று ஒரு டொலர் மதிப்பு 288 ரூபாயாகும்.

எவ்வாறாயினும், இது தொடர்பில் கேட்டபோது, ​​வாகன இறக்குமதியாளர்கள் சங்கம் அடுத்த வருட ஆரம்பத்தில் வாகனங்களை இறக்குமதி செய்ய அனுமதிக்கப்படுமென தமது சங்கம் நம்புவதாக தெரிவித்துள்ளது.