ஜப்பானில் இடம்பெற்றுள்ள நாடாளுமன்ற தேர்தல் : ஜனநாயகக் கட்சி வெற்றி பெற வாய்ப்பு!

ஜப்பான் நாடாளுமன்றத் தேர்தல் இன்று (27) நடைபெறவுள்ளது.

நாட்டின் ஆளும் லிபரல் டெமாக்ரடிக் கட்சிக்கும், பிரதமர் ஷிகெரு இஷிபாவுக்கும் இது மிகவும் முக்கியமான தேர்தல் என்று வெளிநாட்டு தகவல்கள் தெரிவிக்கின்றன.

ஜப்பானின் முன்னாள் பிரதமர் ஃபுமியோ கிஷிடா கடந்த ஆகஸ்ட் மாதம் பிரதமர் பதவியை ராஜினாமா செய்தார்.

அவரது மூன்றாண்டு கால ஆட்சியில் தான் வாழ்க்கைச் செலவு கணிசமாக உயர்ந்து மக்கள் அதிருப்தி அடைந்தனர்.

ஜப்பானிய அரசியலமைப்புச் சட்டத்தின்படி, முன்னாள் பிரதமர் கிஷிடா பதவி விலகியதையடுத்து ஆளும் கட்சியின் தலைவர் பிரதமரானார்.

இம்மாத தொடக்கத்தில் ஜப்பான் பிரதமராக பதவியேற்ற ஷிகெரு இஷிபாவின் கருத்து, விரைவில் தேர்தலை நடத்த வேண்டும் என்பதுதான்.

அதன்படி ஜப்பான் நாடாளுமன்றத் தேர்தல் தொடர்பான வாக்குப்பதிவு இன்று காலை தொடங்கியது.

கீழ்சபையில் 465 இடங்களுக்கு பிரதிநிதிகள் தேர்வு செய்யப்படுவார்கள்.

ஜப்பானின் தற்போதைய ஆளும் லிபரல் டெமாக்ரடிக் கட்சி போருக்குப் பிந்தைய ஒவ்வொரு தேர்தலிலும் கீழ் சபையில் பெரும்பான்மையை வென்றுள்ளது.

எவ்வாறாயினும், இந்த ஆண்டு தேர்தல் அவர்களுக்கு சவாலாக மாறியுள்ளதாக வெளிநாட்டு தகவல்கள் தெரிவிக்கின்றன.

இந்த தேர்தலில் லிபரல் டெமாக்ரடிக் கட்சி 247 இடங்களில் 50 இடங்களை இழக்கும் என நிபுணர்கள் கணித்துள்ளனர்.

வாழ்க்கைச் செலவு அதிகரிப்பு, கட்சிக்குள் ஏற்பட்ட  நெருக்கடியும் அரசாங்கத்தின் அதிருப்தியும் அதற்கு காரணமாக அமைந்தன.

மேலும், நிபுணர்களின் கூற்றுப்படி, அரசியலமைப்பு ஜனநாயகக் கட்சியின் தற்போதைய 98 இடங்கள் 140 இடங்களாக அதிகரிக்கும்.

அதன்படி, இந்த ஆண்டு நடைபெறவுள்ள நாடாளுமன்றத் தேர்தல், ஆளும் லிபரல் டெமாக்ரடிக் கட்சிக்கும், பிரதமர் ஷிகெரு இஷிபாவுக்கும் மிக முக்கியமான தேர்தல் என வெளிநாட்டுத் தகவல்கள் தெரிவிக்கின்றன.