நீதிபதிக்கு சேறு பூசும் சுவரொட்டி: ரங்காவை கைது செய்ய உத்தரவு

சேறு பூசும் சுவரொட்டிகளுடன் முன்னாள் பாராளுமன்ற உறுப்பினர் ஜே.ஸ்ரீரங்காவுக்கு தொடர்பு இருக்குமாயின், அவரை கைது செய்து நீதிமன்றத்தில் நிறுத்துமாறு, கொழும்பு பிரதம நீதவான் திலின கமகே, கொழும்பு குற்றப்புலனாய்வு பிரிவினருக்கு உத்தரவிட்டுள்ளார்.

மன்னார் மேல் நீதிமன்ற நீதிபதி மொஹம்மட் மிஹாலுக்கு எதிராக, சேறு பூசும் வகையிலான சுவரொட்டிகள் கொழும்பில் ஒட்டப்பட்டிருந்தமை தொடர்பில் விசாரணை நடத்திய பொலிஸார் ஒருவரை கைது செய்தனர்.

இந்த சுவரொட்டிகளை ஒட்டுமாறு முன்னாள் பாராளுமன்ற உறுப்பினர் ஸ்ரீரங்கா, கூறினார் என, அவர், பொலிஸாருக்கு வாக்குமூலமளித்தார்.

நீதிமன்ற உத்தரவின் பேரில் ரங்காவை கைது செய்ய கொழும்பு குற்றப்புலனாய்வு பொலிஸார் ரங்காவின் வீட்டுக்கு சென்றபோதும் அங்கு அவர் இருக்கவில்லை.

இதனால், உடனடியாக அவரை தேடிக்கண்டுபிடித்து மன்றில் ஆஜர் செய்யுமாறு கொழும்பு பிரதம நீதவான் திலின கமகே, ​திங்கட்கிழமை (22) உத்தரவிட்டார்.

தொடர்புடைய செய்திகள்:

திருகோணமலையில் பாம்புக்கடிக்கு இலக்காகி கர்ப்பிணி பெண் மரணம் யாழ்ப்பாணம் சர்வதேச விமான நிலையத்தை தனியாருக்கு வழங்க தீர்மானம் விமான நிலையத்தில் குழப்பத்த ஏற்படுத்திய சர்சைக்குரிய அமைச்சர் ஜனாதிபதி தேர்தல் ஒக்டோபர் 12ஆம் திகதிக்கு முன்னர் நடத்தப்பட வேண்டும் – வஜிர கொழும்பில் பணவீக்கம் குறைகிறது யாழில் குடும்பஸ்தரை சித்திரவதைக்குள்ளாக்கிய பொலிஸார்