இலங்கை: புதிய அரசியல் கட்சியில் இணைந்த நடிகை தமிதா அபேரத்ன

நடிகையும், அரசியல் ஆர்வலருமான தமிதா அபேரத்ன, எதிர்வரும் பொதுத் தேர்தலில் தபால் பெட்டி சின்னத்தில் போட்டியிடும் ஜனநாயக தேசியக் கூட்டமைப்பில் (DNA) இணைந்து, சமகி ஜன பலவேகய (SJB) விலிருந்து விலகுவதாக அறிவித்துள்ளார்.

SJBயின் தலைவர் சஜித் பிரேமதாச எனக்கு நீதி வழங்காததாலும், எனது ஜனநாயக உரிமைகளை நிலைநாட்டாததாலும் நான் SJBயை விட்டு வெளியேற தீர்மானித்தேன் என அபேரத்ன ஊடகங்களுக்கு தெரிவித்தார்.

ஒக்டோபர் 11 ஆம் திகதி வேட்புமனுக்கள் ஏற்றுக்கொள்ளப்பட்ட இறுதி நாளான கடைசி நேரத்தில் இரத்தினபுரி மாவட்டத்திற்கான SJBயின் வேட்பாளர் பட்டியலில் அபேரத்னவின் பெயர் சர்ச்சைக்குரிய வகையில் நீக்கப்பட்டது குறிப்பிடத்தக்கது.