நவீன தாக்குதல் நீர்மூழ்கிக் கப்பல்களை தயாரிக்க இந்தியா முடிவு

அணுசக்தியால் இயங்கும் இரண்டு நீர்மூழ்கிக் கப்பல்களை தயாரிக்க இந்தியா தயாராகி வருகிறது.

அதற்கான மதிப்பிடப்பட்ட தொகை 5 பில்லியன் டொலர்கள் என்று கூறப்படுகிறது.

இந்தியப் பெருங்கடல் பிராந்தியத்தில் சீனாவின் செயற்பாடுகள் காரணமாக கடற்படைத் திறனை வலுப்படுத்தும் நோக்கில் இந்தத் திட்டம் ஆரம்பிக்கப்பட்டுள்ளதாக இந்திய ஊடகங்கள் செய்தி வெளியிட்டுள்ளன.

டீசலில் இயங்கும் கப்பல்களை விட வேகமான, அமைதியான மற்றும் நீருக்கடியில், அணுசக்தியால் இயங்கும் தாக்குதல் நீர்மூழ்கிக் கப்பல்கள் உலகின் மிக சக்திவாய்ந்த கடற்படை ஆயுதங்களில் ஒன்றாகும்.