ஜாமீனில் வந்தவர் பிக் பாஸ் செல்கின்றார்… என்ன நடக்குமோ?

பிக் பாஸ் சீசன் 8 நாளை மாலை 6 மணிக்கு தொடங்க இருக்கும் நிலையில் இதில் கலந்து கொள்ள இருக்கும் போட்டியாளர்களின் உத்தேசப்பட்டியல் வெளியாகி உள்ளது.

இதில் தயாரிப்பாளரும், நடிகை மகாலட்சுமியின் கணவருமான ரவீந்தர் கலந்து கொள்ள இருப்பது உறுதியாகி உள்ளது.

தயாரிப்பாளர் ரவீந்திர் சந்திரசேகர், திடக்கழிவுகளில் இருந்து மின்சாரம் தயாரிக்கும் திட்டத்தில் முதலீடு செய்ய சொல்லி பாலாஜி என்பவரிடம் இருந்து ரூ.16 கோடி வரை மோசடி செய்ததாக கூறப்படுகிறது. இதையடுத்து மத்திய குற்றப்பிரிவு போலீசார் ரவீந்தரை கைது செய்து புழல் சிறையில் அடைத்தனர்.

ரவீந்தர் சந்திரசேகர் சென்னை முதன்மை அமர்வு நீதிமன்றத்தில் ஜாமீன் மனுத்தாக்கலை நீதிபதி மறுப்பு தெரிவித்த நிலையில் மீண்டும் ஜாமீன் கோரி ரவீந்தர் சென்னை உயர்நீதிமன்றத்தில் மனுத்தாக்கல் செய்திருந்தார்.

அந்த வழக்கை விசாரித்த நீதிபதி ரவீந்தர் தரப்பில் புகார்தாரருக்கு ரூ.2 கோடி திரும்ப வழங்கப்பட்டுவிட்டது என்று கூறினார்கள். ஆனால் புகார் அளித்த பாலாஜி இந்த தகவல் முற்றிலும் பொய் என்றும் ரவீந்தர் அப்படி எதுவும் தரவில்லை என்று பதில் அளித்தார் இது அவருக்கு மீண்டும் சிக்கலை ஏற்படுத்தியது.

இதன்பின் காவல்துறையினர் ரவீந்திரனின் வங்கிக்கணக்கை ஆராய்ந்ததில் பல வங்கி பரிவர்த்தனை நடைபெற்றுள்ளது. ஆனால் அவை அனைத்தும், இந்த வழக்கில் தொடர்புடையதா என தெரியவில்லை என கூறப்பட்டது. இதையடுத்து, இரண்டு வாரத்திற்குள் ரூ.5 கோடி ரூபாய்க்கான உத்தரவாதத்தை ரவீந்தர் செலுத்த வேண்டும் என்று நிபந்தனை விதித்து அவருக்கு ஜாமீன் வழங்கி உத்தரவிட்டார்.

தற்போது ஜாமீனில் இருக்கும் ரவீந்தர், பிக் பாஸ் நிகழ்ச்சியில் கலந்து கொள்வது உறுதியாகி உள்ளது. கடந்த முறையே இவர் பிக் பாஸ் நிகழ்ச்சிக்கு அழைக்கப்பட்டதாகவும், எனக்காக இருக்கை, மெத்தனை என அனைத்தையும் மாற்றுவதாக நிகழ்ச்சி நிர்வாகம் கூறியிருந்தது.

ஆனால், அதில் கலந்து கொள்ள விருப்பம் இல்லை என்று பேட்டி ஒன்றில் கூறியிருந்தார். இப்போது பிக் பாஸ் சீசன் 8ல் இவர் கலந்து கொள்வது உறுதியாகி உள்ளது. தனது யூடியூப் சேனலில் பிக் பாஸ் போட்டியாளர்களை கடுமையான விமர்சனம் செய்து கிழித்து தொங்கவிடும் இவர், வீட்டிற்குள் நிச்சயம் சும்மா இருக்க மாட்டார் என்றும், பாவம் விஜய் சேதுபதியின் தலை தான் உருளப்போகிறது என இணையவாசிகள் கருத்துக்களை பகிர்ந்து வருகின்றனர்.

தொடர்புடைய செய்திகள்:

LCU-வில் இணையும் ரஜினி? சம்பவம் செய்ய காத்திருக்கும் லோக்கி குட்டி போடும் ஆண் கடல் குதிரை பற்றி உங்களுக்கு தெரியுமா? வைரலாகும் அரிய வீடியோ நடிகைக்கு பாலியல் தொந்தரவு கொடுத்து கொலை மிரட்டல்… கார் ஓட்டுநர் உட்பட இருவர் கைது! முதல்முறையாக அயன்மேன் நடிகர் ‘ராபர்ட் டவுனி” ஜூனியர் ஆஸ்கர் வென்றார் அஜித் தெலுங்கு தயாரிப்பாளரை தேடி ஓடியது 163 கோடிக்காகத்தானா? குட் பேட் அக்லி நியு அப்டேட் விவாகரத்து எல்லாம் நாடகம்… ஒன்றாக குடித்தனம் நடத்தும் ஜோடி