4 மாதத்தில் 2,064 இலங்கையர்கள் கொரியாவிற்கு பயணம்: வெளிநாட்டு வேலைவாய்ப்புப் பணியகம்

4 மாத காலப்பகுதிக்குள் 2,064 இலங்கையர்கள் வேலைவாய்ப்பு காரணமாக கொரியாவுக்குச் சென்றுள்ளதாக இலங்கை வெளிநாட்டு வேலைவாய்ப்புப் பணியகம் தெரிவித்துள்ளது.

அதன்படி, உற்பத்தித் தொழில்களுக்காக 1,708 பேரும்,மீன்பிடித் தொழில்களுக்காக 351 பேரும், கட்டுமான தொழில்களுக்காக 5 பேரும் தென் கொரியாவுக்குச் சென்றுள்ளனர்.

அவர்களில், 1,892 பேர் முதன்முதலாக வேலைவாய்ப்புக்காகத் தென் கொரியாவுக்குச் சென்றுள்ளதாகத் தெரியவந்துள்ளது.

இந்த காலப்பகுதிக்குள் 41 யுவதிகளும் வேலைவாய்ப்புக்காகத் தென் கொரியாவுக்குச் சென்றுள்ளதாக இலங்கை வெளிநாட்டு வேலைவாய்ப்பு பணியகம் தெரிவித்துள்ளது.