உலக சந்தையில் எரிபொருளின் விலை அதிகரித்தாலும், எமது கட்டணத்தில் மாற்றம் ஏற்படாது என மின்சக்தி மற்றும் வலுசக்தி இராஜாங்க அமைச்சர் டீ.வி.சானக தெரிவித்துள்ளார். நிலையான நாட்டிற்கு ஒரே பாதை என்ற தொனிப்பொருளில் ஜனாதிபதி ஊடக மையத்தில் நேற்று (26) நடைபெற்ற செய்தியாளர் மாநாட்டில் அவர் இதனை தெரிவித்துள்ளார். இதன்போது மேலும் கருத்து தெரிவிக்கையில்; எரிசக்தி துறையுடன் தொடர்புடைய இறக்குமதி, தரம், விநியோகம் மற்றும் சந்தைப்படுத்தல் ஆகியவற்றிற்கு ஒரு சுயாதீனமான ஒழுங்குமுறை அமைப்பின் அவசியத்தை கண்டறிந்துள்ளதாகவும் அதன் நோக்கம், […]

ஆற்றில் மிதந்து கொண்டிருந்த சடலமொன்றை மீட்டெடுத்து வைத்தியசாலையில் பிரேத அறையில் வைத்துள்ளதாக பொலிஸார் தெரிவித்தனர். களனி- அவிசாவளை கிரிவந்தல வடக்கு பகுதியில் சடலமொன்று மிதப்பதாக அவிசாவளை தலைமையக பொலிஸார் தெரிவித்தனர். உயிரிழந்தவர் 50 வயதுடையவர் எனவும் இதுவரை அடையாளம் காணப்படவில்லை எனவும் பொலிஸார் தெரிவிக்கின்றனர். சடலம் அவிசாவளை ஆதார வைத்தியசாலையின் பிரேத அறையில் வைக்கப்பட்டுள்ளது

இலங்கை ரூபாவின் தொடர்ச்சியான பெறுமதியால் இலங்கையின் பொருளாதாரம் ஸ்திரப்படுத்தப்பட்டுள்ளதாகவும், அதன் வளர்ச்சி தற்போது வெளிப்பட்டு வருவதாகவும் நிதி இராஜாங்க அமைச்சர் ஷெஹான் சேமசிங்க தெரிவித்துள்ளார். ‘எக்ஸ்’ இல் பதிவிட்ட அவர், இலங்கை ரூபாய் வலுவடைவது, காலப்போக்கில் பொருட்கள் மற்றும் சேவைகளை வாங்குவதை மலிவாக மாற்றும் என்று தெரிவித்தார். இது அதிகரித்த வாங்கும் சக்திக்கு வழிவகுக்கும், பணவீக்க அழுத்தங்களைக் குறைக்க உதவுகிறது மற்றும் விலை ஸ்திரத்தன்மை மற்றும் நிதி அமைப்பு ஸ்திரத்தன்மைக்கு பங்களிக்கும் என்று அவர் மேலும் கூறினார். […]