இரண்டு பிள்ளைகளுடன் பிரதேச செயலகத்திற்கு முன்பாக வந்து கதறி அழுத பெண்

இரண்டு பிள்ளைகளையும் வளர்க்க வழியில்லை என 31 வயதுடைய இரண்டு பிள்ளைகளின் தாய் ஒருவர் செவாநகர பிரதேச செயலகத்திற்கு முன்பாக வந்து கதறி அழுத சம்பவம் ஒன்று பதிவாகியுள்ளது.

உடவலவ, தனமல்வில வீதி, 8 கன்குவ பிரதேசத்தைச் சேர்ந்த பி.எம்.அனோஜா சமன்மலி என்ற பெண், கணவன் தன்னையும் தனது இரண்டு பிள்ளைகளையும் வீட்டை விட்டு வெளியேற்றிவிட்டு வேறு ஒரு பெண்ணுடன் வாழ்ந்து வருவதாகக் கூறி கதறி அழுதார்.

அந்த பெண்ணுக்கு 4 மற்றும் ஒன்றரை வயதில் இரு குழந்தைகள் இருக்கின்றனர்.

தனது இரு குழந்தைகளுடன் வாழ்க்கையை முடித்துக் கொள்வதைத் தவிர வேறு வழியில்லை என்று கூறியுள்ள அவர், உதவியை நாடக்கூடிய அனைவருக்கும் வருத்தத்தைத் தெரிவித்தார்.

கணவன் தன்னை துரத்திவிட்டு வேறு பெண்ணுடன் வாழ்வதாக பொலிசில் புகார் அளித்தாலும் பலனில்லை என்றும், குடியிருக்க இடம் கிடைத்தால் கூலி வேலை செய்து வாழலாம் என்றும் கூறினார்.

இரண்டு பிள்ளைகளையும் நன்னடத்தையில் ஒப்படைக்குமாறு பிரதேச செயலக அதிகாரிகள் கூறியதாகவும், இரண்டு பிள்ளைகள் இல்லாமல் தன்னால் வாழ முடியாது எனவும் அவர் கூறினார்.

இது தொடர்பில் செவநகர பிரதேச செயலாளர் நயனஜித் பிரியசாந்தவிடம் நடத்திய விசாரணையில், தனக்கு காணியை வழங்க முடியும் எனவும், அதற்காக காணி அலுவலகத்திற்கு அனுப்பி வைத்து காணி வழங்க ஏற்பாடு செய்வதாகவும் தெரிவித்தார்.

இந்த தாய்க்கு உதவக்கூடிய நன்கொடையாளர்கள் இருப்பின் செவனகல பிரதேச செயலாளருடன் அல்லது 0773855587 என்ற தொலைபேசி இலக்கத்துடன் தொடர்பு கொண்டு தகவல்களை பெற்றுக்கொள்ள முடியும் என அறிவிக்கப்பட்டுள்ளது.

தொடர்புடைய செய்திகள்:

திறைசேரி உண்டியல்களின் கடன் உச்சவரம்பு ஆறு டிரில்லியன் ரூபாயாக உயர்த்தப்படுகிறது பால்மா இறக்குமதி தொடர்பில் இன்னும் இறுதி தீர்மானம் எடுக்கப்படவில்லை! யாழ் இளைஞனுக்கு துபாயில் நேர்ந்த கொடூரம்..! மகிந்தவை பிரதமராக நியமிக்குமாறு கோரிக்கை விடுக்கவில்லை – சாகர காரியவசம்!